Dili-Ministru Justisa Dionisio Babo akompania husi Vise Ministru,Sekretariu Esatadu Terras no Propriedade aprezenta programa Jeral Ministeriu Justisa nia ba Parlamentu Nasional iha sexta Lokraik (15/02) hafoin debate Orsamentu Jeral Estadu ba Ministeriu Justisa.Tuir Ministru Justisa Dionisio Babo hateten katak Ministeriu Justisa iha Sentru Formasaun Juridiku (CFJ) neébe durante neé fo formasaun ba Timor oan lubuk ida neébe hakarak atu sai jurista,Defensoria Publiku,Advogadu iha CFJ tamba durante neé ita menus rekursu humanu iha setor Justisa nia tamba neé governu liu husi Ministeriu Justisa Estabelese Sentru ida neé hodi fo formasaun ba Timor oan sira atu bele hasae sira nian kapasidade iha area Judisial nian.

“Ministeriu Justisa estabelese Sentru Formasaun Juridiku (CFJ) atu prepara Timor oan neébe hakarak atu sai Juiz,Advogadu,Defensoria Publiku tamba durante ita ukun aá ita sei menus Rekursu Humanu iha Setor Justisa nian ita fiar katak ba futuru Setor Justisa sei lao ho diak tamba Rekursu Humanu sufisente ona ”Dehan Ministru Justisa Dionisio Babo hafoin aprezenta OJE 2013 iha Parlamentu Nasional Sexta (15/02).

MJ mos informa tan katak orsamentu Jeral ba tinan 2013 Ministeriu Justisa mos sei halo rehabilitasaun ba Prizaun Suai tamba durante neé ita iha deit prizaun rua deit hanesan Bekora,Gleno difisil tebes tamba prizoneirus barak liu fali prizaun neébe govenru prepara.

“Ba Tinan 2013 orsamentu aprova sei halo uluk rehabilitasaun ba prizaun Suai maibe Prizaun Baukau sei dauk bele tamba orsamentu 2013 Prizaun Baukau la tama tamba neé ita sei hadia uluk Suai depois iha tinan oin mak ita bele hare fali prizaun Baukau”Dehan MJ.