Viqueque 08 – 02 – 2013, Sexta-feira, Vise Ministru Justisa Ivo Valente, hamutuk ho Procuradora Jeral da Republica,Dra. Ana Pessoa participa iha Inaugurasaun Edificio delegasaun Procuradoria Jeral distrital Baucau iha Viqueque.Cerimonia inaugurasaun neé, marka ho simu tais,( iha odamatan boot, nebe tama ba área kontrusaun foun edificio no rezidencias ba procuradores no´oficial de justisa PGR nian ). Sinal ida nudar kustume Timor oan nian iha Viqueque, akompanha mos husi Administrador distritu Viqueque, Administrador sub distritu Viqueque, Director Nasional Terras e Propriedade, komandante policia /PNTL distritu Viqueque, Baucau, Lautem noó Manatuto, nune mos hamutuk ho Procuradores da Republica lubuk ida.

Iha nia Intervensaun, ba dahuluk, Vise Ministru Justisa, Ivo Valente nebe reprezenta Ministru da Justisa, sublinha importânsia ba existência Procuradoria delegasaun iha Viqueque, atu assegura assesu ba justisa ( nune, assegura implementasaun artigo 26 husi konstituisaun RDTL nian ), ba Timor oan sira hotu, liu liu ba povu ka komunidade Viqueque, nune mos katak, pasu ida tan ba oin iha sektor justisa, insipira no motiva instituisaun justisa sira seluk hodi banati tuir importancia ba sira nia excistencia iha territoriu tomak.

Visi Ministru Justica, Ivo Valente refere mos katak, Ministeriu da Justisa, iha hanoin ida atu mos, oinsa hahu, planea iha tempo oin mai, loke delegasaun Defensoria Publica iha distritus sira nebe existe ona delegasaun Ministeriu Público nian, hanesan iha Bobonaro, Ermera noó Viqueque.

Remata nia intervensaun, cerimonia nee, kontinua ho diskursu husi Administrador distritu Viqueque, no tuir ho kúa fita husi Vise Ministru da Justisa Ivo Valente noó loke odamatan edifisiu foun husi Procuradora Jeral da Repúblika Dra. Ana Pessoa. Nebe tutuir malu loke mos Rezidencias ba procurador noó oficial justisa nian, nebe lokaliza iha edificio foun nia kotuk.

Hodi halao visita ka hare uma/ edifisiu no uma ka rezidencias rua refere, hafoin remata, marka mos sinal ho kúda ai –oan ( Has-hun, sabraka,ai-hali, etc husi dirigentes sira nebe konvidadus atu ba hatur ai-oan sira iha rai kuak nebe prepara hikas ona), kontinua ho kúa bolu, loke champainha, ba Almoço hamutuk, noó ikus liu divertimentu ( dansa ).