Dili-Relasiona ho komunidade neébe durante neé okupa illegal rai estadu nian besik iha area Comoro iha Timor Plaza nian oin hodi hasai obrigatoriu husi Polisia Nasional Timor Leste (PNTL) no Seguransa Sivil iha Segunda (04/02) tamba hetan orientasaun husi governu atu hasai komunidade neebe durante neé okupa ilegal rai estadu nian.

Hatan ba kestaun neé Ministru Justisa Dionisio Babo hateten katak sidadaun hotu-hotu neé moris iha paiz demokratiku ida neé hotu-hotu iha lei nian okos tamba neé tenke kumpri desizaun estadu nian neébe hasai ona hodi muda komunidade neébe okupa illegal rai estadu durante neé.

“Ita sidadaun hotu-hotu moris iha lei nian okos tamba neé banhira desizaun sai husi estadu ita tenke kumpri atu bele sai deit se banhira desizaun sai ona ita sei kontinua nafatin hela iha rai estadu nian neébe ita okupa hela etadu iha direitu atu ejekuta lei hodi hasai obrigatoriu tuir lei neébe ita iha”Dehan Ministru Justisa hafoin partisipa debate OJE 2013 iha Parlamentu Nasional Tersa (05/02).

Ministru Justisa mos informa tan katak husu ba sidadaun Timor hotu-hotu ne’ebe durante neé okupa illegal rai estadu nian atu kolobora hamutuk ho estadu no bele husik mamuk ona rai estadu nian,ita hotu-hotu iha direitu atu hetan rai pedasuk ida maibe la signifika katak atu ba hadau deit ema seluk nian rai ou estadu nian rai.