Konsultasaun Lei Rai nia Sei Remata iha 15 Fevereiru 2013

Dili-Ministeriu Justisa durante neé esforsu aán hodi halo konsultasau ba lei 3 hanesan Lei das Expropriações, Lei do Fundo Financeiro Imobiliário, Regime Especial para a Definição da Titularidade de Bens Imóveis, rai nian ba Publiku liu husi meius oi-oin liu husi Seminar durante governasaun AMP nian no mai toó V governu Konstitusional hanesan kontinuasaun hodi halo konsultasaun ba publiku liu husi CD, no ikus liu husi SMS bia telemovel hodi husu ba Entidade hotu-hotu ONG,Relizaun,Sosiadade Sivil,no Partidu Politiku hotu atu bele hatama supmisaun por eskrita mai iha Ministeriu Justisa molok atu haruka ba Parlamentu Nasional.

Tuir Ministru Justisa Dionisio Babo hateten katak durante neé Ministeriu Justisa halo ona esforsu aán hodi halo konsultasaun ba publiku liu husi meius oin-oin hanesan halo seminar durante neé tempu governasaun AMP nian no kontinuasaun ba V governu Konstituisional iha politika ida hodi halo konsulta liu husi CD,no ikus liu mak SMS liu husi Via Telemovel hodi haruka ba Sosiadade Sivil,ONG,Relizaun,no Partido Politiku hotu atu bele hatama supmisaun mai iha Ministeriu Justisa hodi tau hamutuk ho draf lei neébe iha molok atu haruka ba Parlamentu Nasional.

“Konsultasaun lei 3 kona ba rai nian prazu hotu iha loron 15 fulan Fevereiru tinan ida neé tamba neé husu ba entidade hotu-hotu hanesan Timor oan atu bele hatama ona supmisaun mai iha Ministeriu Justisa molok loron 15 fulan Fevereiru tinan ida neé atu nune bele tau hamutuk ho draf lei neé hodi haruka ba Parlamentu Nasional ”Dehan Ministru Justisa Dionisio Babo hafoin Partisipa iha debate OJE 2013 iha Parlamentu Nasional Tersa (05/02).

MJ mos informa tan katak husu ba Timor oan hotu-hotu atu bele buka hatene informasaun ba lei neé tamba esforsu governu nian mak neé ona,halo hotu ona governu la iha osan atu bele kopy lei 3 neé hodi fahe ba sidadaun ida-idak,neé sei presija orsamentu neébe boót tamba neé hanesan Timor oan atu bele buka hatene informasaun tamba lei neé laos governu nian deit no laos Ministeriu Justisa nian deit maibe Timor oan hotu-hotu nian.

Ministru Justisa mos salienta tan katak husu ba Sidadaun hotu-hotu atu bele haruka supmisaun ou komentariu liu husi email

  • consulta.terras@mj.gov.tl

    • entrega ba DNTPSC ka DNAJL iha Ministériu Justisa, nomos bele hare iha Website Ministeriu Justisa

  • www.mj.gov.tl

    • Pedro Delfim
    Gabinete Ministru Justisa
    Media Officer