SEKRTETÁRIU Estadu Terras Propriedade (SETP) Jaime Xavier Lopes iha loron Tersa 29 fulan-Janeiru 2013 hala’o lansamentu kontinuasaun foti dadus kona-ba rai iha Suko Memo, Maliana Distritu Bobonaro.

Iha lansamentu enkontru komunitaria ne’e SETP liu hosi ninia intervensaun hateten, Probela kona-ba rai maioria hanesan deit, komunidade sira presiza hatene no tau atensaun hodi fó mós sira nia inportansia tanba Timór-Leste presiza dezenvolvimentu.

Nia salienta mós iha rai maka ema bele moris, nune’e V Governu Konstitusionál halo kontiunsaun ba levantamentu dadus rai nian ne’ebé maka uluk iha IV Governu Konstitusionál hala’o tiha ona hodi entrega ona sertifikadu rejistu na’in ba rai ba sesaun dahuluk nian.

Jaime hateten, komunidade sira iha Timór-Leste presija informsaun tomak kona-ba rai nian, tanba uluk ita nia beiala sira la sukat rai, no iha tempu Portugés estadu portages fo deit bulletin ofisiál no alvará deit ba komunidade sira.

Iha lansamentu ne’ebé hetan partisipasaun másimu hosi Administradór distritu Bobobaro, Administradór Sub Distritu Mailana Lider komunitária hosi Suku lima nian, F-FDTL, PNTL inklui mós komunidade sira hosi suko Memo ne’e SETP hateten, oras ne’e parsela ka rai sira ne’ebé maka sukat ona no laiha problema bele hetan ona sertifikadu rejistu na’in ba rai, ba deklarate sira ne’ebé maka laiha problema.

“Ha’u hakarak husu ba komunidade sira atu labele okupa ema seluk nia direitu liu-liu labele okupa ema seluk nia rai, ne’e hanesan mós uluk maioria povu Timór-Leste lakohi ema hosi nasaun seluk atu ukun Timór-Leste nune’e ita mós labele okupa ema seluk nia direitu,hosi ne’e ita tenki hatene sasan ne’ebé ita nian ne’e ita nian no sasan ne’ebé ema nian ita tenki konsidera ne’e ema nian” dehan Jaime.

Iha biban ne’e Sekretáriu Estadu ne’e fahe mós CD-R konsulta publiku lei rai nian ba Administrador distritu hodi fahe mós informsaun ba iha komunidade sira, antes entrega CD-R ba Administradór Distritu Bobonaro SETP hsusu ba partisipantes sira liu-liu ba administradór distritu bainhira iha hanoin ruma ne’ebé pozetivu kona-ba lei rai nian ne’e bele hatama mós ba iha lei ne’e hodi entrega fila fali ba iha Terras Propriedade antes fulan-Fevreiru 2-0013 nian remata.

Iha enkontru komunitária ne’e Diretór Terras Propriedade Distrotu Bobonaro hato’o mós ninia relatóriu katak, iha Area Kolesaun 1 maka la konsege tamba mota-boot, Iha relatóriu ne’e nia relata mós katak, Total disputa 1219, disputa komunidades 1004, Rezolve 17, area foun maka atu tama suku Memo, no Holsa.

Iha fatin hanesan Diretór Nasionál DNTPSC, Romão Guterres hateten komunidade sira idaidak tenki sukat ninian hodi hatudu nia baliza, suguestaun maka antes sukat Diretór ho funsionáriu sira sei ko’alia kona-ba prosesu.