Dili-Tuir planu Ministeriu Justisa sei estabelese Prizaun ba labarik minoridade neébe komete kirimi tamba durante neé labarik neébe komete krimi sempre tau hamutuk ho ema boót sira iha Becora tamba neé sei fo inpaktu ba labarik sira iha futuru.

Tuir Ministru Justisa Dionisio Babo hateten katak governu liu husi Ministeriu Justisa iha ona planu atu hari Prizaun ba Juvinil ba labarik minoridade neébe komete krimi tamba durante neé labarik minoridade neébe komete krimi sempre lori ba tau hamotuk iha Becora.

“Ministeriu Justisa iha ona Planu atu hari Prizaun Juvinil ba labarik sira tamba durante neé labarik sira tau hamutuk ho ema boót sira entaun sira bele fo inpaktu ba sira nian futuru tamba neé governu ona planu atu bele estabelese tan prizaun juvinil ba labarik minoridade sira”Dehan Ministru Jusitsa haofin partisipa iha Lansamentu Auto Estrada iha Timor Plaza Sexta (25/01).

MJ salienta tan katak ba tinan ida neé Ministru Justisa mos atu hahu halo konstrusaun ba Prizaun Suai tamba tuir lolos hahu tiha ona konstrusaun iha Tinan kotuk tamba tarde iha Dezenu iha AND tamba neé ba tinan ida neé sei hahu halo ona Konstrusaun ba prizaun Suai.

“Prizaun iha Dili nian kapasidade ba ema nain 200 deit maibe agora dadaun iha Prizoneiros 300 resin uluk ita iha prizaun ida iha Baucau maibe taka tea ona tamba neé agora dadaun ema kik ka bo’ot hamotuk deit iha Dili Becora neé” Dehan MJ
Ministru mos informa tan katak kondisaun Prizaun iha Timor Leste diak liu, ita kompara ho prizaun iha rai seluk tamba prizoneirus sira hela iha kondisaun neébe diak tebes no estadu mos prepara sira nian kondisaun diak tebes ita bele dehan Prizaun iha Timor diak liu fali iha nasaun seluk.