Dili- Emabaixador Republika Popular China Sr Tian Guangfeng hasoru malu ho Ministru Justisa Dionisio Babo hodi kooperasaun entre nasaun Timor Leste no nasaun China iha Futuru liu-liu iha Setor Justisa.

Hafoin hasoru malu Embaixador Republik Popular China Sr. Tian Guangfeng informa katak Nasaun China pronto nafatin atu halo koperasaun diak ho nasaun Timor Leste iha futuru liu-liu iha setor Justisa nian.

“tamba neé ohin hanesan loron inportante ida hodi mai hasoru malu ho Ministru Justisa Timor Leste Dionisio Babo oinsa ba futuru nasaun China ho Timor Leste bele halo kooperasaun diak liu-liu iha setor justisa nian”Dehan Embaixador China iha Timor Leste Tian Guangfeng iha Gabinete Ministru Justisa Caicoli Dili Quinta (24/01).

Iha Enkontru neé Ministru Justisa Dinisio Babo informa katak Nasaun Timor Leste pronto atu halo kooperasaun diak ho nasaun neébe deit liu-liu iha setor Justisa nia tamba neé ohin Embaixador China mai atu halo kooperasaun entre Timor Leste ho China iha futuru liu-liu iha Setor Justisa.

Iha oportunidade neé mos MJ informa servisu Ministeriu Justisa nian ba Embaixador no Diresaun neébe hamahon an iha Ministeriu Justisa nain neébe kompostu husi Diresaun Nasional Direitor Humanus e Cidadania (DNDHC) Diresaun Nasional Administrasaun e Financas,(DNAF) Diresaun Nasional Assessoria Jurídica e Legislação (DNAJL) Diresaun Nasional Serviços Prisionais e de Reinserção Social (DNSPR) Diresaun Nasional Registo e Notariado (DNRN) Defensoria Pública, Centro Formação de Jurídica (CFJ).

Iha enkontru neé partisipa husi Ministru Justisa Dionisio Babo,akompania husi Vice Ministru Justisa Ivo Valente,Chefe Gabinete Mateus Rita.