SEKRTETÁRIU Estado Terras Proprioridades (SETP) Jaime Xavier Lopes iha loron 9 fulan-Janéiru 2013 bainhira loke abertura ba reuniaun jerál Avaliasaun iha Distritu Aileu husu ba Diretór sira hosi Diresaun Terras Proprioridades Servisu Kadastrias (DTPCS) hotu-hotu iha distritu 13 atu iha tinan 2013 ne’e atu iha planu nebe mak diak selae tinan lima mai sei la halo buat ida.

Jaime husu ba dretór distritais sira atu iha planu ne’ebé di’ak hodi bele atinji meta no alvu bazeia ba planu Ministériu Justisa nian ne’ebé maka iha ona no planu sira ne’e bele realiza duni atu nune’e servisu DNTPSC bele la’o ba oin diak liutan.

Nia hateten DNTPSC nia servisu prioridade maka halo levantamentu dadus ba rai, karik sira halo duni levantamentu, dadus ne’e atinji hira ona iha tinan ida ne’e nia laran no ba tinan 2013 no tinan 2014 ne’e sira se halo levantamentu dadus ba rai to’o parsela hira.

Husi levantamentu ne’e tuir Jaime, bele aloka orsamentu bainhira planu la iha oinsa maka bele aloka orsamentu, ne’e duni husu ba Diretór distritu nian sira halo ona planu nune’e orsamentu bele aloka, no planu bele la’o, iha orsamentu ne’ebé aloka ba ne’e labele gasta arbiru.

Tuir Jaime, bainhira diret’or no xefe departamentu sira iha planu asaun, públiku no ema hotu-hotu bele senti katak DNTPSC ne’e halo duni servisu no atende duni komunidade sira nia prekupsaun kona-ba rai nian, labele hein deit planu hosi nasionál, tanba nasionál mesak deit buat hotu sei la la’o, ne’e duni presiza ema hotu nia idéia no kontribuisaun.