Ministério Justiça liu husi Direcção Nacional dos Direitos Humanos e de Cidadania (DNDHC) hó Direcção Nacional de Assesoria Juridica e Lejislação, (DNAJL) halo lansamento konsultasaun Ante-Projecto Kódigu Sivil iha loron 15 Dezembru 2008 Delta Nova, Comoro - Dili. Iha progama lansamento neé, halo apresentasaun Códigu Sivil hatoó direitamente husi Sua Excia. Ministra da Justiça, Dra.Lucia Lobato no akompanha husi Director Geral,Dr.Crisogno da Costa Neto, Director DNDHC,Dr.Lucas Antonio da Costa,Directora DNAJL.

Programa lansamento neé ho topiku," Konsultasaun Ante-Projecto Kódigu Civil." Konta hó prezensa partisipantes mai husi Autores Judisiário hanesan Juizes, Defensoria Públiku, Procuradores no , Advogados provados,Konfísoens Religiosas, Estudantes Universitáriu, PNTL, F-FDTL no Sosiedade Sivil, neébé ho numeru partisipantes besik 200.

Iha programa neébé refere Ministra da Justiça, Lúcia Lobato iha nia diskursu badak bá partisipantes sira hateten," iha livru lima neébé halo parte iha Códigu Civil neé rasik, hahu kedas husi governo anterior nia tempu 2004 iha komisaun ida neébé forma husi entidade lubun ida neébé servisu hodi halo diskusaun neé, hodi hakerek projecto neé rasik husi tinan 2005 toó 2006 depois paradu tiha tamba mosu krize. No iha tinan 2007 hahu fila fali haré atu prepara projecto neé, iha tinan 2007 no 2008 sira halo desizaun lubuk ida, hodi deskute dala ida ona kona-ba presepsaun iha Konselho de Ministros atu fo informasaun ba membrus do governo kona-ba kodigu neé. Depois de konsulta públiku sei haruka fila fali ba Konselho de Ministros sei la presiza debate barak depois de aprova tiha hodi haruka ba Parlamento Nasional, atu lei neé sai vigora iha ita nia rai."

Ministra Justisa hatutan liu tan katak konsultasaun ba públiku neé hahu 15 de Dezembru 2008 toó 15 de Febereiro 2009 no sei bele fo tan tempu toó 30 de Febereiro 2009 depois bele haruka ba Parlamento Nasional atu bele aprova."

Por João Maupelo da Costa