Dili-Ministru Justisa Dionisio Babo hamotuk ho Primeirou Ministru Kay Rala Xanana Gusmao no Membru V Governu Konstitusional tomak halo serimonia Natal hamotuk ho Prezidente Republika Taur Matan Ruak iha Palacio Prezidente Aitarak Laran durante horas rua nian laran hahu husi tuku 07:30-09 kalan Otl Quinta (09/01).

Iha Serimonia neé Prezidente Republika Taur Matan Ruak iha nia Diskursu hateten katak hau (PR) fo kongratula no parabens ba V governu Konstitusional neébe lidera husi Primeiru Ministu Maun boót Kay Rala Xanana Gusmao nébe hasai Motto ba tinan 2013 katak “Tenke sai sidadaun diak no Heroi foun ba Nasaun ida neé” ida neé hatudu katak Membru Governu iha espritu neébe boót hakarak servi duni povu no nasaun ida neé.

“Husu mos ba Ministru hotu no Sekretariu Estadu hotu atu hakas an hodi servi povu no nasaun ida neé tamba dala barak Ministru balun halo sala ema sempre temi maun boót Xanana nian naran deit tamba neé Ministru no Sekretariu Estadu hotu tenke servisu makas liu tan iha tinan 2013 ida atu nune labele akontese tan falhansu ne’be akontese iha governu ida uluk”dehan Prezidente da Republika Taur Matan Ruak iha Palasiu Prezidente Republika Aitarak Laran Dili Quinta (09/01).

Iha serimonia Natal hamotuk neé partisipa husi Prezidente Republika Taur Matan Ruak,Prezidente Parlamentu Nasional Vicente Guterres,Prezidente Tribunal Rekursu Claudio Ximenes,Primeiro Ministro Kay Rala Xanana Gusmao,Prokuradoria Republika Ana Pesoa Pinto,no Membru V Governu Konstituisional tomak.