Dili-Ministru Justisa Dionisio Babo loke abertura ba worshop Avaliasaun Atividade do Gabinete Inspesaun Auditorial hodi promove boa governasaun iha Ministeriu Justisa neébe organiza husi Gabinete Inspensaun Auditoria (GIA) iha salaun Diresaun Nasional Rejistu Notariadu Bebora Tersa (08/01).

Gabinete Inpensaun Auditoria (GIA) iha Minsteriu Justisa nian okos neébe durante neé halao nian knar hodi halo inspensaun auditorial hodi promove boa governasaun ba Diresaun hotu-hotu iha Ministeriu Justisa nian laran oinsa atu ezekuta orsamentu estadu tuir programa neébe iha no mos atu kontrola mal administrasaun iha Ministeriu Justisa nian laran.

Iha abertura Ministru Justisa Dionisio Babo hateten katak Gabinete Inspensaun Auditoria inportante duni iha Ministeriu nian laran liu-liu iha Ministeriu Justisa hodi halo auditoria hodi promove boa governasaun iha Ministeriu Justisa nian laran,banhira hau (MJ) tama iha Governu Inspensaun Auditoria hatoó relatoria kritiku e diak tebes hodi fo avaliasaun ba instituisaun estadu nian e mos ba avaliasaun ba individu ema ida-idak nian.

“Inspesaun Auditorial hatama nian relatorio barak los no fo sira nia avaliasaun neébe diak tebes ba iha lalaok iha instituisaun no ema ida-idak nian ba sistema neébe ita aplika iha Ministeriu Justisa nia laran tamba neé Ministru Justisa ho Vise Ministru fo apoiu tomak ba servisu husi Gabinete Inspensaun Auditoria nundar orgaun kontrolu nian hodi avalia administrasaun iha instituisaun estadu nian”dehan Miinistru Justisa Dionisio Babo iha Diskursu loke abertura ba Workshop avaliasaun Auditoria iha salaun Diresaun Nasional Rejistu i Notariadu Terca (08/01).

MJ mos informa tan katak GIA halo workshop ida neé hodi aprezenta rezultadu investigasaun ba Auditoria neébe durante tina tolu (3) nian laran hahu husi 2010-2012 banhira sira ejisti hodi fo hanoin ba direjente sira liu-liu Diretor Nasional no Chefe Departamentu Nasional no Distrital hodi hatutan ba funsionariu sira atu nune labele akontese tan gastu no mal administrasaun e regularidade hodi kontra lei ne’ebe vigora iha nasaun ida neé.

Fatin seluk Prezidente Funsaun Publiku Liborio Pereira hateten katak Prezensa GIA laos hanesan inimigu maibe hanesan amigu hodi halo inspesaun no auditoria ba orsamentu estadu nian neébe ezekuta la tuir regras no programa tenke iha responsabilidade ba hahalok neébe Direitor no funsionariu sira halo.

Iha Workshop neébe partisipa husi Ministru Justisa Dionisio Babo,Vise Ministru Ivo Valente,Sekretariu Estadu Terras i Propriedade Jaime Xavier,Prezidente Funsaun Publiku, Diretor Nasional no Distrital husi Ministeriu Justisa nian.