Dili 8–01–2013 Vice Ministru Justisa, Ivo Valente, hamutuk ho Ministru Justisa DR.Dionisio Babo, no’o Presidente ba Komisaun Funsaun Publika, Eng Liborio Pereira, ofisialmente loke Workshop ho topiku “Avaliasaun, Aktividades husi Gabinete Inspeksaun no Auditoria hodi promove governasaun iha Ministeriu Justisa”.

Partisipa iha eventu ne Inspektur Geral Estadu nian Sr. Francisco Carvalho, Adjuto Provedor Direitos Humanus no Justisa, Dr. Rui Pereira, Sekretariu Estadu Terras no Propriedades Eng, Jaime Lopes.

Workshop nebe halao ba Funsionarius Publiku Ministeriu Justisa, akompanha husi Direktores Nasionais, Distritais no Eis Chefe Departementu sira,Eis Direitores no Eis Chefe Departamentu, durante loron ida tomak.

Iha lian nakloke, Vice Ministru Justisa Ivo Valente, haklaken importansia husi konhesimentu ba elementus sira boa governasaun nian.

Katak V Governu Konstitusional iha komitmentu governasaun ho dalan ida atu haforsa servisu Gabinete Inspeksaun Auditoria MJ.

Funsionarius Publikus MJ iha dever atu hatene no konhese deveres no responsabilidades tuir Lei Funsaun Publika, nune mos hatene leis ka regulamentus seluk atu bele ezerse nia funsaun profesional.

MJ tenke sai ezemplu ba implementasaun Boa Governasaun. Iha tinan 2013 funsionarius MJ nudar sidadaun iha dever atu kaer metin tema Governo nian ba tinan ne’e “ sai sidadaun diak, sai heroi foun ba Nasaun Timor- Leste”
Vise Ministru Justisa Ivo Valente, ensera nia intervesaun ho valoriza mos servisu Gabinete Inspeksaun Auditoria.