A.IntrudusaunGoverno Timor-Leste iha komitmentu politika maka'as atu promove equalidade jeneru. Planu Dezenvolvimentu 2002 tau equalidade jeneru no abordazen jeneru hanesan estrategia dezenvolvimentu prinsipal ida,partikularmente objektivu hanesan hatún kia'k no haburas vida ekonomia ne'ebé justu.Objetivu prinsipal Governo nian ne'e hanesan ho programa kompaktu internasional ba Timor-Leste ne'ebé inklui koordenasaun Governo ho Nasões Unidas, perseiro dezenvolvimentu no sosiadade sivil hodi suporta sidadaun tomak atu restablesementu ba plata forma komun nian. Ida ne'e hetan reafirmasaun husi analiza Governo nian, ne'ebé identifika ona iha prioridade nasional 2008-2009. Prioridade nasional ne'e hanesan :

1. Seguransa publiku

2. Protesaun social no solidariedade

3. Tau matan ba nesesidade juventude sira nian

4. Emprego no kria rendimento

5. Hadi'a liu tan servisu distribuisaun social

6. Governasaun ne'ebé mos no efetivu

Prioridade nasional Governo Timor-Leste nian ba 2009 sei haré liu ba infrastrutura,dezenvolvimentu rural no dezenvolvimentu rekursu humanos.

Governo Timor-Leste intrega tiha ona deklarasaun orsamentu ba jeneru iha orsamentu 2008 nian.Durante debate orsamentu 2008 nian, Projecto UNDP suporta Parlamento hodi fo assistensia ba GMPTL (Grupo das Mulheres Parlamentares de Timor-Leste) no Komisaun E kona ba hatún kia'k ,rejional no dezenvolvimentu rural no atu exame fali equalidade jeneru, analiza proposta orsamentu 2008 husi perspektiva jeneru nian no fo rekomendasoens ba Governo atu asegura katak orsamentu nasional tinan 2008 nian bele atende ba nesesidade no benefisio ne'ebé hanesan ba feto,mane, mane klosan no feto ran sira hotu. Ida ne'e ba dala uluk iha istoria katak, asuntu equalidade jeneru no fó kbi'it ba feto bele halo debate no lori ba konsiderasaun, ne'ebé resulta tiha ona ba iha aprovasaun husi Parlamento Nasional kona ba integrasaun deklarasaun orsamentu jeneru iha orsamentu nasional 2008 nian.

Atu implementa politika ida ne'e, IV Governo Constituisional enkuadra ona equalidade jeneru ne'e hodi asegura katak abordazen jeneru sai mos hanesan estratejia nasional governo nian, politika no lejislasaun.Inisiativu sira ne'ebé ho objetivu ba dezenhu abordazen ba jeneru, analiza, implementasaun no monitorizasaun ba Governo nia politika nomos liu husi medidas sira ne'ebé organizasaun sosiadade sivil sira atu implementa ho organizasaun nasional no internasional sira, presiza atu fó atensaun iha perspektiva jeneru iha konaba orsamentu nasional no atu fó ki'ibit ba governu non parseiru dezenvolvimentu sira bele sai kritiku liu tan no halo reflesaun konaba oin sa total orsamentu ne'e bele uza didiak ba feto no mane Timor oan sira hotu.UNIFEM ho kooperasaun SEPI, organiza treinamentu hamutuk ida konaba responsive orsamentu generu ba sosiadade sivil, pontu fokal jeneru no staff seluk ho tema : HAFORSA K'NAR SERVISU SOSIADADE SIVIL NO PONTU FOKAL JENERU BA SISTEMA DEMOKRATIKU NIAN LIU HUSI ORSAMENTU SENSIVEL BA JENERU (OSJ).

B.Objetivu Treinamentu

Treinamentu durante loron 2 ne'e ho objetivu :

1.Atu analiza no define konseptu baziku jeneru nian, sexo no definisaun jeneru,abordazen jeneru no responsive orsamentu jeneru,

2.Atu identifika issue iha Timor-Leste ne'ebé fó impaktu ba feto no ninia kauza sira, konsequensia sira no posivel solusaun sira,

3.Atu define prosesu orsamentu, meius ba responsive orsamentu ba jeneru, CEDWA no orsamentu sensivel jeneru

4.Atu exame no analiza politika no dokumentu orsamentu nasional no orsamentu nasional 2009 nian kada Ministério, atu bele fó atensaun ba iha orsamentu ne'ebé kurang konaba disparidade kontas jeneru no bele mai fo rekomendasaun ou input ba debate orsamentu 2009 nian

Fundu ba treinamentu ida ne'e mai husi UNIFEM liu husi Programa Integradu ba Feto sira iha Politika ho Halo Desizaun (IPMPDM) hamutuk ho SEPI (Secretária de Estado para Promoção de Igualidade). Treinamentu ida ne'e loke no taka direitamenta husi S.Exa. Sra. Idelata Maria Rodrigues, Secretária de Estado ho fahe sertifikadu ba partisipantes sira.

Reportajem husi :

Nelinho Vital, Ponto Fokal Generu-Ministério da Justiça. E-mail: nvital@mj.gov.tl