Director Direcção Nacional de Direitos Humanus e Cidadania (DNDHC), Dr.Lucas Antonia da Costa partispa iha workshop loron rua nebe organiza husi Programa, "Ita Nia Rai no Direcção Nacional Terras e Propriedade Serviso Cadastrais (DNTPSC)." Quarta feira, 26 Novembru 2008 iha Centro de Formasaun João Paulo II Comoro Dili. Workshop ne'e halao durante loron rua hahu 26 Novembru no remata iha 27 Novembru 2008.

Workshop nebe refere ho tema,"Hametin Ideias atu Dezenvolve Manual Mediasaun ba Konflito Rai nian." Workshop ne'e halao ba partisipantes nebe mai husi funsionario Serviso Cadastral distrito 13, Instituisaun governu balun no Sosiedade Sivil, workshop ne'e mos ho objektivu atu haklean liu tan koinesementu funsionariu Servisu Cadastral nian, oinsa prosesu foti dadaus konaba Rai.

Iha serimonia abertura Director DNTPSC, Dr. Antonio Verdial hateten," Rai iha Timor Leste sai problema nasional no obstaklu boot ba governo no Estado, neduni Estadu buka hodi foti lalais desizaun direitus ba ema ida idak, direitu ba propriedade no titlu ba rai nian. Atu alkansa buat hirak ne'e hotu mak Ministeriu da Justiça liu husi DNTPSC hamutuk ho Programa," Ita Nia Rai," liu husi projekto ita nia rai. Programa Ita Nia Rai,iha mos ekipa ida nebe hare liu ba asuntus resolusaun, rezolve solousaun konflito no mediasaun diskutas. Maluk sira hotu workshop ida ne'e mak hanesan parte husi ita nia rain hanesan fahe informasaun programa ne'e fo treinamento konaba politika rai nian ho ideias liu husi esperensia mediasaun hodi halo forsa mekanismu no metodus mediasaun nian, no mos workshop ida ne'e hanesan job manual mediasaun nebe ba futuru governo nasional,governo lokal no ONG sira bele usa hanesan referensia."