Dili Sr. Jepe Kongsu nudar Timor Oan neébe ohin loron susesu boót iha Negosiu no iha mos deseju boót atu dezenvolve Timor Leste, Avo Jepe Kongsu neébe moris iha Balibo, boót iha Maubara hafoin iha tempu kolonialismu halai ba iha Australia hodi sai investor boót no (1) iha Australia Darwin no mos kontinua ba investe iha Nasaun China agora dadaun sai investor neébe konhesidu iha Nasaun Australia no China hafoin Timor Leste hetan independensia fila mai Timor Leste hodi investe fali iha Timor Leste no agora hodi hari Timor Plaza.

Avo investor neé hafoin hasoru malu ho Ministru Justisa Dionisio Babo Soares esplika katak (hau) hanesan Timor oan banhira Timor Leste hetan independensia hau hakarak fila mai Timor Leste hodi investe fali iha Timor Leste atu nunee bele fo servisu ba Timor oan tamba neé hau fila mai hodi hari Timor Plaza no agora dadaun hau fo servisu ba Timor Oan barak.

“Hau (Jepe) Nudar Timor Oan maske hau avo ona maibe hakarak fila mai Timor Leste hakarak investe iha “hau” nian rai hodi fo servisu ba Timor oan, ba Timor oan laos hau fo deit mak ikan maibe hau fo hotu ho rede ba sira atu bele servisu no Timor oan hamutuk rihun lima resin no ba tinan lima oin sei sae tan ba rihun Sanulu ”Dehan Avo hafoin hasoru malu ho Ministru Justisa iha Kaikoli quinta (13/12).

Avo mos informa tan katak iha Tinan 2014 hau sei Dezenvolve no investe iha area Turismu iha Timor Leste ,tamba nasaun Timor Leste hanesan nasaun neébe furak tamba neé iha 2014 fatin neébe indentifika ona ba setor Turismu iha Timor Leste hau sei dezenvolve, nos mos iha Tinan 2015 hau sei investe fali iha setor Agrikultura hau investe laos atu buka riku no osan maibe hau hakarak buka naran deit ona.

Avo Jepe Kongsu koalia ho MJ iha posibilidade diak atu investe iha area Turismu ho Agrikultura iha tinan oin mai.

Maske Avo Jepe ho nian idade 88 ona maibe ser forte nafatin no hakarak kontribui ba dezenvolvimentu Timor Leste, avo mos faán hotu nian asset iha Guanzou China hodi mai investe iha Timor Leste, Avo mos kona ba estadu rai ho Propriedade tuir lei tamba investementu presija serteja legal.

Ministru Justisa Dionisio Babo hafoin hasoru malu ho Avo hateten katak Sente orgolhu no parabens ba Avo maske avo ona maibe iha espritu nasionalismu ba nasaun ida neé hakarak atu investe iha setor oin-oin tamba neé governu nakloke ba se deit mak atu mai investe iha Timor Leste iha area neébe deit.

Ministru Justisa se halo buat hotu atu apreseia empresariu Timor Oan neébe boót ho exprensia internasional hanesan Avo Jepe Kongsu.