LISBOA,MJ Quarta-Feira 24 de Junho 2026 Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o reuniaun ho Diretór hosi Centro de Estudos Judiciários (CEJ) Portugal, Juiz Desembargador Edgar Taborda Lopes, iha instalasaun CEJ, Largo do Limoeiro, Lisboa.
Reuniaun ne’e realiza ho partisipasaun husi Diretór-Jerál Polítika Justisa, Nelinho Vital, nu’udár parte husi vizita servisu Sua Excelénsia Ministru Justisa nian ba Lisboa, Portugal.
Iha reuniaun ne’e, parte rua diskute kona-bá oportunidade atu reforsa kooperasaun entre Ministériu Justisa Timor-Leste no Centro de Estudos Judiciários Portugal, liuliu iha área formasaun no kapasitasaun ba rekursu umanu setor justisa, inklui juízes, magistrados do Ministério Público, defensores públicos no profisionál sira seluk iha sistema judisiáriu.

Iha sorumutu ida-ne’e, Sua-Eselénsia Ministru Justisa, Dr. Sérgio Hornai, hato'o agradesimentu ba Centro de Estudos Judiciários (CEJ sigla portugés) nia apoiu tomak hodi kapasita formandu sira hosi magistratura judicial no Ministério Público sira iha VII Curso Magistrados Judicial, hanesan Ministériu Públiku no Defensoria Pública nian.
Observa ba rezultadu pozitivu ne’ebé hetan ona durante implementasaun kursu sira uluk, Ministériu Justisa kontinua iha kompromisu no polítika atu hametin no prossegue kooperasaun estratéjika ida-ne’e ho Centro de Estudos Judiciários (CEJ), hodi garante kontinuidade ba programa formasaun no dezenvolvimentu kapasidade rekursu umanu iha setór justisa.
Tanba ne’e, iha intensaun atu kontinua kolaborasaun ne’e ba realizasaun VIII Curso de Formação de Magistrados Judiciais, Magistrados do Ministério Público no Defensores Públicos, ho objetivu atu aumenta liutan kompeténsia profisionál no kontribui ba fortalésimentu sistema judisiáriu Timor-Leste nian.
Iha pontu seluk ne’ebé sai kestaun importante iha diskusaun maka proposta kona-ba apoio husi CEJ atu fó formação pedagógica ba futuru formador nasional (Timor-oan) sira iha Centro de Formação Jurídica e Judiciária (CFJJ).

Formasaun ida-ne’e importante tebes hodi apoiu implementasaun politika “timorizasaun” iha setor justisa, liu husi preparasaun no fortalese kapasidade rekursu umanu nasional sira atu bele assume responsabilidade hanesan formador no peritu iha área justisa, ho nune’e garante sustentabilidade, autonomia no kontinuidade dezenvolvimentu institucional iha futuru.
Iha reuniaun ne’e, akompaña hosi Minsitru Justisa maka hanesan Diretór-Jerál Polítika Justisa, Nelinho Vital, Adidu Justiça hamutuk ho Embaixada Timor-Leste (TL) iha Reinu Unidu, Flaviano Moniz no assessora jurídica, Mariana Machado Gomes.