DILI,MJ Kinta-Feira 18 de Junho 2026 Sua-Eselénsia Ministru Justisa, Dr. Sérgio de Jesus Fernandes da Costa Hornai, dezloka ba nasaun Portugál hodi hametin relasaun kooperasaun bilateral entre Repúblika Demokrátika Timor-Leste no Repúblika Portuguesa.
Objetivu hosi viajen ofisiál-ne’e, atu akompaña Sua-Eselénsia Primeiru-Ministru (PM), Kay Rala Xanana Gusmão hala’o vizita traballu ofisiál ida, ne’ebé foku liu-ba kooperasaun bilateral entre Repúblika Demokrátika Timor-Leste no República Portuguesa, liuliu iha área justisa.

Iha viajen ofisiál ne’e, Ministru Justisa, Dr. Sérgio Hornai, akompaña hosi Diretor-Jerál Polítika Justisa Ministériu Justisa, Dr. Nelinho Vital. Delegasaun ne’e, dezloka ho aviaun Citylink, iha Aeroportu Internasionál Prezidente Nicolau Lobato, Komoro, Díli.