DILI,MJ Kinta-Feira 14 de Maiu 2026 Sua-Eselénsia Ministru Justisa, Dr. Sérgio de Jesus Fernandes da Costa Hornai, realiza enkontru ofisiál ho Xefe Misaun da International Organization for Migration (IOM sigla Inglés), Sra. Jewel Trishia Ali, ho nia komitíva, iha sala sorumutuk, Gabinete Ministru Justisa, Ministériu Justisa, Colmera, Díli.
Objetivu hosi enkontru ne’e, atu hametin kooperasaun entre Ministériu Justisa no IOM, liuliu iha área migrasaun, protesaun ba migrante sira, no apoiu ba polítika nasional sira ne’ebé relasiona ho movimentu ema iha território nasional.

Parte rua troka informasaun no pontu vista kona-ba programa sira ne’ebé IOM implementa iha Timor-Leste, nune’e mós possibilidade kolaborasaun futuru hodi responde ba dezafiu migratóriu sira ho forma integradu no sustentável.