Dili-Jornalista Maxtal neébe halaó nian Knaar nundar Jornalista iha Timor Leste durante tempu okupasaun Indonezia hodi fo informasaun ba mundu internasional kona ba situasaun real neébe akontese iha Timor Leste durante tempu okupasaun Indonezia hodi hatudu ba mundu katak Timor Leste hakarak ukun rasik aán jornalista neé utiliza deit pasaporte Diplomata hodi halaó nian knaar iha Timor Leste.

Sakrifisiu neébe durante neé Jornalista Maxtal halo ba Timor Leste hetan rekonhesuimentu husi estadu Timor Leste tamba neé Maxtal husu ba Governu Timor Leste liu-liu Ministru Justica atu bele fo autorizasaun ba nian hodi sai nudar sidadaun Timor Leste tamba nian hela iha Timor Leste durante tinan barak ona.

Tuir Maxtal hateten katak durante neé hau halaó hau nian knaar iha Timor Leste uza deit passaporte diplomata tamba neé agora hau hakarak atu sai sidadaun Timor Leste oinsa Govenru liu husi Ministeriu Justisa atu bele fasilita no prosesu tuir lei neébe vigora iha Timor Leste.

“Durante tinan barak nian laran hau halaó knar iha Timor Leste uza deit Passaporte Diplomata no estadu Timor Leste sempre fo rekonhesimentu ba sakrifisiu neébe durante hau halo ba Timor Leste tamba neé agora hau hakarak atu sai sidadaun Timor Leste no husu ba Estadu Timor Leste atu hare hodi prosesu tuir lei neébe vigora iha Timor Leste ”dehan Maxtal hafoin hasoru Malu ho Ministru Justisa iha Gabinete Ministru Justisa Kaikoli Kuarta (12/12).

Hatan ba kestaun neé Ministru Justisa Dionisio Babo hateten katak rekonhesimentu husi estadu ba sakrifisiu neébe Maxtal halo ba Timor Leste ida neé pozitivu tebes maibe atu sai sidadaun Timor Leste tenke prosesu tuir Lei neébe vigora iha rai doben ida neé tamba neé hau husu ba ita boot atu bele hatama dokumentus neébe relevanta hodi prosesu tuir lei neébe iha.

“Ministru husu ba (Maxtal) atu bele hatama dokumentus neébe relevante hodi halo prosesu prosesu tuir lei neébe vigora iha Timor Leste”.