MANILA,MJ-Sesta-Feira 14 Novembro 2025 Governu Repúblika Demokrátika Timor-Leste, liuhosi Sua-Eselénsia Ministru Justisa, Dr. Sérgio de Jesus Fernandes da Costa Hornai, kontinua realiza enkontru bilateral ho Ministru Justisa Singapura, Mr. Edwin Tong SC, iha Hotel Grand Hyatt, Manila, Filipina.
Objetivu husi enkontru bilateral ne’e, atu hametin relasaun diplomátika no setór justisa entre Timor-Leste no Singapura. Fó importánsia ba kooperasaun iha mekanismu legal, seguransa, no partisipasaun Timor-Leste iha forum internasionál. Hodi identifika oportunidade kolaborasaun sira seluk, fortalesimentu kapasidade institusionál. Tanba ne’e, Singapura hakarak agradese ba Governu Timor-Leste nia suporta ba kandidatu husi Singapura.

Iha enkontru ne’e, Sua-Eselénsia Ministru Justisa Timor-Leste, hato’o forte kompromisu husi nia Governu ba kontinuidade integrasaun Timor-Leste iha ASEAN husi perspetiva Justisa no lei.
Sua-Eselénsia Ministru Justisa Timor-Leste, Dr. Sérgio Hornai reprezenta Governu Timor-Leste nia naran hakarak reafirma pozisaun Timor-Leste nian suporta ba Sra. Ambassadora Rena Lee, hosi Singapura nia kandidutara ba iha Juiz Painel International Court of Justice (ICJ) 2026.