MANILA,MJ-Sesta-Feira 14 Novembro 2025 Estadu Timor-Leste liuhosi Sua-Eselénsia Ministru Justisa, Dr. Sérgio de Jesus Fernandes da Costa Hornai, asina mos Tratado ASEAN nian konaba Extradisaun (AET - ASEAN EXTRADITION TREATY). Aktu ida hanesan aktu ba dala uluk Timor Leste nian, nu’udár Membru Plenu Direitu ASEANA, liu husi sorumutu Ministrus Justisa ASEAN nian (ALAWMM-ASEAN LAW MINISTERIAL MEETING), iha Hotel Grand Hyatt, Manila, Filipina.
Nu’udár Estadu Membru ASEAN, Timor-Leste sei adopta no ratifika Tratadu ida ne’e, iha ita nia sistema ordenamentu jurídiku hodi kompleta ita nia lei nasionál sira kona-bá mekanizmu atu kombate Krime Transnasionál.

Komitmentu Timor-Leste nian sei haforsa liu tan interesse ASEAN iha nível regional no internacional hodi atinji interese komum komunidade ASEAN nian, tuir prinsipiu " One Identity, Ona Community, Ona Vision ".
Iha aktu solene assinatura Tratadu ne’e, hola parte mós Sekretáriu-Jerál ASEAN, Dr. Kao Kim Hourn ne’ebé formalmente simu Tratadu refere hosi Ministru Justisa Filipina.