MANILA,MJ-Sesta-Feira 14 Novembro 2025 Governu Repúblika Demokrátika Timor-Leste, liuhosi Ministru Justisa Dr. Sérgio de Jesus Fernandes da Costa Hornai, partisipa ativamente iha serimónia abertura ASEAN Law Ministers' Meeting - 13th (ALAWMM-13, sigla Inglés), iha Grand Hyatt Manila, Filipina.
Iha serimónia ofisiál ALAWMM-13 ne’e, abertura hosi Sua Exelénsia Prezidente Repúblika Filipina, Ferdinand Romualdez Marcos Jr., hato’o diskursu abertura durante serimónia ne’e, hodi destaka importánsia husi reforsu kooperasaun rejionál iha ámbitu direitu no justisa entre Estadu-membru sira ASEAN nian.

Nune’e Sekretáriu-Jerál ASEAN, Dr. Kao Kim Hourn deklara, ALAWMM-13 ne’ebé partisipa hosi membru sira hotu ASEAN, hanesan Brunei Darussalam, Cambodia, Filipina, Indonézia, Laos, Malásia, Myanmar, Singapura, Tailândia, Vietnãm, no Timor-Leste nu’udár membru plenu dala-11.