DILI,MJ-Kinta-Feira 30 Outubru 2025 Sua-Eselénsia Ministru Justiça, Dr. Sérgio de Jesus Fernandes da Costa Hornai, hala’o enkontru ho empreza Persada Kentjana Timor LDA, iha sala sorumutu Gabinete Ministru Justiça, Colmera, Díli.
Objetivu hosi enkontru ne’e, Ministeriu Justisa ho troka hanoin ba malun tanba kompaña manifesta nia interesse hodi hala’o atividade investimentu ka industria iha Timor-Leste, no atu hametin kooperasaun entre Ministériu Justisa no parte empreza Persada Kentjana Timor LDA ne’ebé demonstra interése forte atu investe iha Timor-Leste, espesialmente iha área infraestrutura, konstrusaun no dezenvolvimentu imobíliáriu.

Empreza Persada Kentjana Timor LDA hetan autorizasaun atu halo prospesaun no peskiza ba potensialidade maganesiu, ba área konsesaun ne’ebé pertense ba Suku Lalawa no Beiseuc, Postu Administrativu Tilomar, Munisípiu Covalima no Suku Loi Ulo, Bahatata, Afaloicai, Irabin de Cima no Uani Uma, Postu Administrativu Watucarbau, Munisípiu Viqueque.
Iha sorumutuk ida-ne’e, nakloke teb-tebes ho esperansa no konfiansa bo’ot ida ba futuru dezenvolvimentu nasional Timor-Leste nian. Setór privadu, iha vontade ne’ebé forte atu kontinua kontribui efetivamente ba dezenvolvimentu ekonomiku, sosial no infraestrutural iha nasaun ida-ne’e.