DILI,MJ-Segunda-Feira 20 Outubru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, hamutuk ho dirijente sira hosi Ministériu Justisa kontinua harmoniza proposta Planu Asaun Annual (PAA) ba Tinan Fiskál 2026, hodi garante koerénsia, ho prioridade institusionál, efisiénsia implementasaun programa sira, no mós reforsa transparénsia, responsabilizasaun, koordinasaun interinstitusional, inkluzaun sidadaun sira, no integrasaun politika públika iha Timor-Leste.

Diretor Jerál ba Administrasaun, Dr. Salvador da Costa Fernandes, aprezenta Orsamentu Jerál Estadu tinan fiskál 2026 Ministériu Justisa total osan $ 14,127,131. Ho programa prinsipal lima no Sub-programa 16 koloka ba atividade 43, iha Minsitériu Justisa maka sei aprezenta ba Komisaun A Parlamentu Nasionál ne’ebé trata kona-bá asuntu Konstitusionál no Justisa iha Tersa-feira 21 Outubrbu aban.
Objetivu hosi armonizasaun PAA tinan fiskál 2026 husi Ministériu Justisa, atu diskute no fortaleze sistema justisa ne’ebé inklusivu, efetivu no responsávél; hametin kapasidade institusionál; Promove asesu justisa ba povu no garante direitu fundamentál; hala’o politika públika transparente; no kontribui ba paz, estabilidade, boa governasaun no justisa sosial.

Iha diskusaun ne’e, partisipa másimu hosi reprezentante xefe Gabinete Ministru Justisa, reprezentante Gabinete Vise-Ministru Fortalesimentu Institusionál no xefe Gabinete sekretáririu Estadu Teras no Propriedades, Dr. Mariano Barreto, Inspectóra GIA. Dra. Domingas Castanheira, Diretór Jerál Polítika Justisa, Dr. Honorio Aureliano Soares Magalhães.
Nune’e mós Direitor Jeral Terras no Propriedades, Lucas Antonio da Costa, Diretor Jerál Servisus servisu Rejistu no Notariadu Dr. Agustinho Gonçalves Vieira, Defensora Públika Jerál Adjunta, Dra. Marcia Maria Filipe Sarmento, Diretora Sentru Formasaun Jurídiku Judisiáriu (CFJJ), Dra. Marcelina Tilman da Silva, no Direitor nasional no xefe departamentu sira seluk.