DILI,MJ-Quarta-Feira 15 Outubru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o enkontru ofisiál ho reprezentante sira hosi Ministériu Justisa Japaun, iha sala sorumutu Gabinete Ministru Justisa, Colmera, Díli.
Objetivu hosi enkontru ne’e, atu hametin relasaun kooperasaun iha setor justisa entre Ministériu Justisa Timor-Leste no Ministériu Justisa Japaun. Nune’e mós atu diskute preparativu organizasaun eventu komemorativu kona-bá parseria justisa entre Japaun no Timor-Leste, ne’ebé sei hala’o hanesan parte integradu hosi Adezaun Timor-Leste ba ASEAN.

Ministru Justisa, Dr. Sérgio Hornai, apresia kontribuisaun Japaun nian iha promosaun justisa no dezenvolvimentu kapasidade humana iha Timor-Leste, no hatudu prontidaun atu kontinua hametin relasaun parsería ida-ne’e ba iha futuru.