DILI,MJ-Segunda-Feira 13 Outubru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai lidera reuniaun Konsellu Konsultivu Ministériu Justisa hodi diskute Prioridade no Dezafiu Setór Justisa, iha sala Ministériu Justisa, Colmera, Díli.
Ohin, konvoka Reuniaun Konsellu Konsultivu Ministériu Justisa, tuir kontinuidade hosi preparasaun ne’ebé hahú iha fulan Setembru, ho objetivu atu assegura Ministériu Justisa iha responde ba Komisaun Revizaun Orsamentu ba tinan Fiskál 2026.

“Ha’u hakarak hateten katak, ita-bo’ot sira hotu-hotu simu ona ajenda enkontru ida-ne’e, no ita mos koletivamente aseitadu. Iha prosesu diskusaun, iha observasaun ruma ne’ebé presiza atu reinteira, hodi fó klaridade no uniformiza ita-nia posisaun. Nune’e, ita reafirma katak ita konkorda ho aprezentasaun relatoriu ezekusaun Orsamentu Jerál Estadu (OJE) tinan fiskál 2025 nian, nu’udár parte integrál hosi ita-nia responsabilidade institusionál atu promove transparénsia, prestasaun kontas no Boa Governasaun iha setór justisa” Ministru Justisa hateten bainhira lidera reuniaun Konsellu Konsultivu ne’e.
Diresaun Jerál Administrasaun Finansas, informasaun no kontribuisaun hosi diresaun sira hotu iha ambitu Ministériu Justisa nian. Fó esklaresimentu ba situasaun atual no kapasidade institusionál. Parte servisu autónomu sira hanesan; Defensoria Públika, Polísia Sentífika ba Investigasaun Kriminál (PSIK), Sentru Formasaun Jurídiku Judisiáriu (CFJJ) no Diresaun Nasionál Terras no Propriedades mós fó apresesentasaun kona-ba sira-nia kbi’it, dezenvolvimentu kapasidade no rezultadu ezekusaun Orsamentu tinan fiskál 2025.

Ministru Justisa argumenta, relatóriu trimestral sira, hahu hosi primeiru to’o quartu trimestral, sei prepara no submete tuir kalendáriu estabelesidu. Relatoriu sira ida-idak hosi diresaun respetivu, liu-liu iha área planeamentu no administrasaun, sei fó baze sólida atu halo analisasaun no inventarizasaun detalladu kona-ba implementasaun programa, sub-programa no atividade sira.
Iha reuniaun Konsellu Konsultativu ne’e, partisipa hosi reprezentante xefe Gabinete Ministru Justisa, reprezentante Gabinete Vise-Ministru Fortalesimentu Institusionál no xefe Gabinete sekretáririu Estadu Teras no Propriedades, Dr. Mariano Barreto, Inspectóra GIA. Dra. Domingas Castanheira, Diretór Jerál Polítika Justisa, Dr. Honorio Aureliano Soares Magalhães, Diretor Jerál ba Administrasaun, Dr. Salvador da Costa Fernandes.

Nune’e mós Direitor Jeral terras no Propriedades, Lucas Antonio da Costa, Diretor Jerál Servisus servisu Rejistu no Notariadu Dr. Agustinho Gonçalves Vieira, Defensor Públiku Jerál, Dr. Câncio Xavier, reprezentante PCIC, Diretora Sentru Formasaun Jurídiku Judisiáriu (CFJJ), Dra. Marcelina Tilman da Silva, no direitor nasional no xefe departamentu sira.