DILI,MJ-Kinta-Feira 02 Outubru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai hamutuk ho Sua-Eselénsia Vise-Ministru Fortalesimentu Institusionál, Dr. Paulo Manuel da Silva dos Remédios akompaña Diretór-Jerál Administrasaun Ministériu da Justisa, Dr. Salvador da Costa Fernandes.
Diretór Jerál Polítika Justisa, Honorio Aureliano Soares Magalhães ensera formasaun kona-bá “Jestaun Protokolu ba Atividade Serimónia”, iha sala Auditória Ministériu Justisa.

Objetivu fundamentál hosi formasaun ida-ne’e, atu kontribui ba prosesu kaderizasaun ba funsionáriu Ministériu Justisa. Ho total formandu na’in-35 hodi haforsa prátika kona-ba protokolu institusionál no garante ba futuru sira bele prepara an ho di’ak hodi responde ba responsabilidade bo’ot sira iha área representasaun ofisiál, koordinasaun interinstitusionál.
Iha serimónia ne’e, organiza hosi Unidade Protokolu Ministériu Justisa ne’ebé partisipa hosi Diretór Jerál sira, Diretór Nasionál sira, Xefe departamentu sira no mós Funsionáriu sira hosi Ministériu Justisa.