Dili-Ministru Justisa Dionisio Babo Soares Partisipa iha Serimonia Komemorasaun Loron Direitus Humanus i mos fahe premiu Sergio Viera de Melo ba reprezentante husi Sosiadade Sivil no Igreja serimonia Selebrasaun Loron Direitus Humanus iha Parlamentu Nasional Prezidi husi Prezidente Parlamentu Nasional Vicente Guterres.

Tuir Prezidente Republika Taur Matan Ruak iha nian diskursu hateten katak Timor Leste hanesan nasaun neébe foin mak ukun rasik aán maibe ratifika ona konvensaun Direitus Humanus iha Timor Lest neé hatudu katak Timor Leste mos valoriza Direitus Humanus iha rai doben ida neé.

“Timor Leste hanesan nasaun ne’ebe foin mak hetan nia independensia maibe ratifika ona kovensaun Direitus Humanus tamba neé ohin hanesan loron Direitus Humanus ba Mundu tomak maibe Timor Leste mos fo valorizasaun ba loron Direitus Humanus hodi hatudu ba mundu katak Timor Leste mos bele”Dehan Prezidente Taur Matan Ruak iha nain diskrusu iha Komemorasaun loron Direitus Humanus iha Parlamentu Nasional Segunda (10/12).

Iha serimonia komemorasaun neé partisipa husi Prezidente Republika Taur Matan Ruak, Prezidente Parlamentu Nasional Vicente Guterres, Primeiru Ministru Kay Rala Xanana Gusmao, Prezidente Tribunal Recursu Claudio Ximenes,Membru husi Govenru Tomak korpu diplomatiku inklui Sosiadade Sivil no ONG Nasional no Internasional.