DILI,MJ-Kinta-Feira 11 Setembro 2025 Sua-Eselénsia Ministru da Justisa, Dr. Sérgio de Jesus Fernandes da Costa Hornai, ofisiálmente indizita Dr. Salvador da Costa Fernandes nu’udár Diretór-Jerál Administrasaun Ministériu da Justisa, hodi substitui Diretora-Jerál Administrasaun, Dra. Octávia Celeste de Sousa, ne’ebé nomeada ba reprezenta adidu Justisa Timor-Leste, iha Korea Sul.
“Ohin ofisiálmente Diretora-Jerál Administrasaun, Dra. Octávia Celeste de Sousa hand over servisu ne’ebé durante nia halo tranfere ba Diretór-Jerál Administrasaun Ministériu Justisa, foun atuál Dr. Salvador da Cosa Fernandes” Ministru Justisa hateten iha diskursu Sua-Eselénsia Ministru Justisa nian.
Tanba DGA indizitadu, Dr. Salvador da Cosa Fernandes ne’e, koñese di'ak funsionáriu no dirijente ida-idak, iha Ministériu Justisa, kona-ba sasukat ba defisiensia ida-idak no hatene forsa iha ne’ebé, oinsa buka halo melloramentu.

“Ha’u konfirma ho diretor sira hotu hodi bele indizita Diretor-Jerál Administrasaun foun, Dr. Salvador da Cosa Fernandes halo substituisaun ba Diretora-Jerál Administrasaun, Dra. Octávia Celeste de Sousa. Tanba rajaun DJA sesante assume pasta foun hodi responde ba sidadaun Timoroan sira ne’ebé maka hala’o hela servisu ka eskola iha Korea Sul.” Ministru Justisa deklara.
Ministru Justisa, Dr. Sérgio Hornai reafirma, Diresaun-Jerál ba Administrasaun, ho abreviasaun DGA, nu'udar servisu sentrál Ministériu Justisa nian ne'ebé responsavel atu asegura orientasaun no koordenasaun jerál ba servisu hotu-hotu, iha Administrasaun, Rekursu Umanu, IT, Finansa no Aprovizionamentu.
Tuir sikensia ajenda ne’ebé maka iha Diretora-Jerál Administrasaun sesante, Dra. Octávia Celeste de Sousa aprezenta relatoriu servisu. No entrega simbolika servisu diresaun Jeral Administrasaun hosi Diretora-Jerál Administrasaun sesante, Dra. Octávia Celeste de Sousa ba Diretor-Jerál Administrasaun foun atuál Dr. Salvador da Cosa Fernandes.

Iha serimónia ne’e, partisipa hosi Sua-Eselénsia Vise-Ministru Fortalesimentu Institusionál, Paulo Manuel da Silva dos Remedios no Xefe Gabinete, Xefe Gabinete Sekretáriu Estadu Terras no Propriedade (SETP), Dr. Mariano Barreto ne’ebé reprezenta Sua-Eselénsia Sekretáriu Estadu Terras no Propriedades, Eng. Jaime Xavier Lopes, Prezidente Komisaun Terra no Propriedade, Pascual da Costa Soares, Diretór-Jerál sira, Diretór Nasionál sira, Xefe Departamentu sira no funsionáriu sira ne’ebé maka servisu, iha Ministériu Justisa.