DILI,MJ-Kinta-Feira 28 Augustu 2025 Sua-Eselénsia Ministru Justisa, Sérgio de Jesus Fernandes da Costa Hornai ofisiálmente hasoru ho Charge d’Affaires, Estadus Unidus Amerika (EUA), señor Bruce Begnell ho nia komitiva, iha sala sorumutu Gabinete Ministru Justisa, Ministériu Justisa, Colmera, Díli.
Objetivu hosi hasoru malu ne’e, atu kontinua hametin kooperasaun entre Governu Timor-Leste ho Governu Estadus Unidus Amerika (EUA), iha setór Justisa. Liu-liu kona-ba esforsu komún iha prevensaun no kombate krime transnasional sira, iha nivel nasional no internasionál. Nune’e mós atu prepara akordu formal (mutual legal asistante) entre estadu rua.

Governu Estadus Unidus Amerika (EUA) mós kontinua fó prioridade ba área kapasitasaun kompeténsia teknika, formasaun profisionál, no troka esperiénsia ba Polísia Sientífiku Investigasaun Kriminál (PSIK), Komisaun Anti-Korrupsaun (KAK), no instituisaun relevante sira seluk tan.
Iha hasoru malu ne’e akompaña Sua-Eselénsia Ministru Justisa, Sérgio Hornai hosi Diretor Nasionál Assesoria no Lejizlasaun (DNAJL), Dr. Nelinho Vital.