DILI,MSSI-Tersa-Feira 5 Augustu 2025 IX Governu Konstitusionál, liuhosi Sua Eselénsia Ministru Justisa, Dr. Sérgio de Jesus Fernandes da Costa Hornai, no Sua Eselénsia Ministra Solidariedade Sosiál no Inkluzaun, Verónica das Dores, asina ona Memorandu Entendimentu kona-ba Asisténsia Sosiál atu fó apoiu ba prosesu reintegrasaun ba eis-rekluzu sira no fasilita direitu vizita família ba rekluzu sira iha establisementu prizionál, iha Ministériu Solidariedade Sosiál no Inkluzaun, Díli.

Governu konsidera ba Konstituisaun Repúblika Demokratika Timor-Leste ne'ebé konsagra iha nú." I, husi artigu 56° hateten katak, "Sidadaun hotu-hotu iha Direitu ba seguransa no asistensia sosial tuir lei haruka";
No mos ba Planu Estratéjiku MSSI no nia misaun atu promove solidariedade no asistensia sosial ba ema hotu, garante justisa sosiál no reinsersaun ba grupu vulnerável sira;

Haree mós ba Dekretu - Lei n." 54/2023 de 1 de Setembru, ne'ebé aprova orgánika husi Ministériu Solidariedade Sosiál no Inkluzaun ne'ebé iha ninia artigu 14. n." 2, alínea e) hateten katak "Dezenvolve medida no programa atu konkretiza politika públika hodi promove direitu eis-rekluzus sira no sira nia reinsersaun iha komunitária";
Iha selebrasaun ministériu rua deside selebra Memorandu Entendimetnu ida-ne'e, kona-ba Asisténsia Sosiál ba Apoíu Reintegrasaun Eis-Rekluzus no Vizita Família Rekluzus. Memorandu Entendimentu ida-ne'e efeitu konta husi loron assinatura entre parte rua no nia validade sei permanese to'o tinan 2025 to’o 2028.