DILI,MJ-Segunda-Feira 7 Julho 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai hateten papel Ministériu Justisa importante no estratejiku ba Timor-Leste (TL) nia adezaun ba iha The Association of Southeast Asian Nations (ASEAN).
Ministru Justisa hato’o lia-hirak ne’e liuhosi nia diskursu iha serimónia hasa’e bandeira Nasionál ba inisiu fulan Jullu tinan 2025 ninian ne’ebé realiza iha edifísiu Policia Cientifica Investigação Criminál.

“Husu nafatin ba ita bo’ot sira, bele buka identifika leno-aan ba iha hanoin bo’ot adezaun Timor-Leste ba iha ASEAN ninian. Tanba Ministériu Justisa iha ninia papel ida importante no estratejiku” Ministru Justisa hato’o diskursu iha serimónia hasa’e bandeira Nasionál ba inisiu fulan Jullu tinan 2025 ninian.
Ministru Justisa husu nafatin hametin liu-liu instituisaun sira hanesan Policia Cientifica Investigação Criminál (PCIC), Defensoria Públika (DP), Diresaun Jerál Polítika Justisa, Komisaun Nasionál Direitus Humanos, Diresaun Terras no Propriedades bele lalais reponde ba iha preokusaun sira-ne’e. Tantu mai hosi setor privadu, organizasaun Nasionál no Internasional sira.

Demanda atu bele prokura kona-bá espasu ka objetu imoveis ne’ebé pretense ba iha domíniu privadu estadu no domíniu públiku estadu ninian. Nune’e mós Diresaun Rejistu no Notariadu kada loron buka presta servisu ida ho kualidade ba demanda pedidu ne’ebé mai hosi sidadaun sira. Ita iha Balkaun Unika buka no koordena tanba-ne’e, desijaun governu atu halo integrasaun servisu hamutuk.
Ministru Justisa esplika serimónia ida-ne’e, sai nu’udár atividade importante ida hodi reunifika forsa haree no servisu hamutuk ida-bele konsidera, buat ida ne’ebé maka di’ak hodi nune’e halo melloramentu ba iha iha futuru.