DILI,MJ-Tersa-Feira 10 Junu 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai hateten Timor-Leste komprometidu ba kombate Brankeamentu Kapitál no Finansiamentu Terrorizamu, iha serimónia abertura workshop ba Planu Estratéjiku no Implementasaun ba Relatóriu Avaliasaun Mútua iha Timor-Leste, ne’ebé realiza iha salaun Nobre, Ministériu Negósiu Estranjeiru no Kooperasaun (MNEK), Díli.
Objetivu husi workshop referida, atu tulun autoridade sira iha Timor-Leste hodi kontinua halo asaun sira ne'ebé rekomenda no definidu iha Relatóriu Avaliasaun Mútua Timor-Leste nian iha tinan-2024 nune’e hodi dezenvolve planu implementasaun estratéjiku Timor-Leste nian.

“Governu hamutuk ho instituisaun liu-liu hanesan Tribunál, Prokurador Jerál Repúblika, Orgaun Polísia Kriminal ho servisu nasional intelijensia finanseiras, Sosiadade tomak komprometidu atu bele hare ba problema nasional, rejional no multilateral ba medida sira kona-bá Brakeamentu kapitál no Finansiamentu terrorizmu no mós krime konesaun sira seluk tan,” Ministru Justisa hateten.
Ministru Justisa agradese ba delegasaun asesor internasional sira hosi APG ne’ebé mai hamutuk iha Workshop ida ne’e, hodi ko’alia kona-ba Estratejia no implementasaun sira ba iha planu estratejiku ne’ebé dezeña iha Komisaun Nasionál ba iha Brakeamentu kapitál Finansiamentu Terrorizmu.
Governu ho komitmentu bo’ot oinsa konsidera prioridade ba iha programa sira liu-liu ba iha eradikasaun medida sira iha polítika nasional ba iha prevene Brakeamentu kapitál no Finansiamentu terrorizmu. Tanba Timor-Leste hahu iha tinan 2008 sai hanesan estadu membru Timor Leste buka esforsu bele responde ba iha ejizensia boot ba problema internasional ka sai hanesan problema Multilateral bá Brakeamentu kapitál no Finansiamentu terrorizmu.

Timor-Leste konsiente no pretende teb-tebes katak, Timor-Leste ninia delegasaun ba partisipa annual meeting ne’ebé maka realiza iha Abu Dhabi hatudu katak, ita iha seriedade iha vontade bo’ot atu bele konsolida ninia instituisaun sira bai ha reforsa medida sira ba iha Brakeamentu kapitál no Finansiamentu terrorizmu ninian.
“Ita simu relatoriu hafoin partisipa iha annual meeting ba iha APG ninian ita buka intende didi’ak. Ita presiza halo reforsu ba iha instituisaun implementador sira, kona-bá medida Brakeamentu kapitál no Finansiamentu terrorizmu”
Iha planu estratejiku ba iha medida ba prevensaun ba iha Brakeamentu kapitál no Finansiamentu terrorizmu ninian. Presiza buka nafatin parseria ho stakeholder sira hanesan APG, UNODC organizasaun internasional finanseirus ne’ebé tau importansia ba transperansia kontabilidade no responsabilizasaun ba medida kombate Brakeamentu kapitál no Finansiamentu terrorizmu.