DILI,MJ-Segunda-Feira 09 Junu 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai hamutuk ho dirijente sira hosi Ministériu Justisa fortalese kooperasaun servisu bilateral ho Koordenador ba Asuntus Polítika no Seguransa Indonézia, Vise-Ministru ba Koordenasaun Polítika Esterna Indonézia, Mohammad Kurniadi Koba hamutuk ho nia delegsaun sira, iha sala reuniaun Ministériu Justisa, Rua-Justiça, Colmera, Díli.
Ministru Justisa esplika, Ministériu Justisa simu delegasaun bo’ot ida hosi Indonezia liu-liu hosi Ministériu Koordenador ba Asuntu Polítika no Seguransa Indonézia hodi kontinua servisu hamutuk iha futuru.

Objetivu hosi reuniaun ne’e, atu hametin estadu Timor-Leste nia kooperasaun ba iha servisu bilateral entre nasaun Timor Leste no Indonézia no kontinua servisu kooperasaun ba krime trans nasional ninian. Nune’e, atu aborda servisu sira iha area Polítika, Ekonomia, Kultura no setór Justisa liu-liu ba rejistu no emigrasaun ninian.
Tanba iha fulan Outubru Timor-Leste ofisializa ba iha ASEAN, sai nu’udár adezaun permanente ba iha ASEAN konserteza la’os ona Indonezia de’it ona maka sai no tama iha Timor Leste maibé hosi membru ASEAN ne’ebé hola-parte. Ministériu Justisa diskute iha estadu membru sira liu-liu iha reuniaun bilateral no reuniaun sira ne’ebé relasionamentu ba iha ASEAN ninian

Iha delegasaun Indonézia maka hanesan: Vise-Ministru ba Koordenasaun Polítika Esterna, Mohammad Kurniadi Koba, Vise-Ministru ba Koordenasaun Seguransa no Orden Públika, Asep Jenal Ahmadi, Asistente Adjuntu ba Koordenasaun Kooperasaun Multilaterál, Adi Winarso, Asistente Adjuntu ba Koordenasaun ba Manejamentu ba Krime Transnasionál no Estraordináriu sira, Adhi Satya Perkasa.
Nune’e mós, Konselleiru Pesoál Peritu sira kona-ba Relasaun Institusionál sira, Anggiat Napitupulu, Diretór Kooperasaun Imigrasaun nian, Arief Munandar, Xefe Sub Diresaun ba Detensaun no Deportasaun, Diresaun Vijilánsia no Ezekusaun Imigrasaun nian, Anggi Wicaksono, Xefe Sub Diresaun ba Postu Kontrolu Imigrasaun Terrestre, Diresaun Postu Kontrolu Imigrasaun, Teddy Kuantano Achmad, Xefe Seksaun Fronteira Nasionál, Divizaun Relasaun Internasionál, Fibri Karpiananto, no seluk tan.

Iha reuniaun ne’e, akompaña Sua-Eselénsia Ministru Justisa maka hanesan; Defensor Públiku Jerál, Dr. Câncio Xavier, Diretor Polícia Científica de Investigação Criminal, Dr. Vicente Fernandes e Brito, Diretór-Jeral da Polítika de Justisa, Honório Aureliano Soares Magalhães, Diretora-Jerál Administrasaun, Octavia Celeste de Sousa Soares, Diretora Centro Formação Jurídica e Judiciaria, Dra. Marcelina Tilman da Silva, Diretor Nasional Assossoria Jurídika no Legislação Ein-Ezersísio, Dr. Carmelindo da Silva Caetano no Chefe Gabinete Ministro Justisa, Dr. Albertina da Cruz Santa.