PARTE DADERSAN

DILI,MJ-Tersa-feira 22 Abril 2025 , Sua-Eselénsia Ministru Justisa, Dr. Sérgio de Jesus Fernandes da Costa Hornai hato’o votu pezár ba falesimentu Sua Santidade Papa Francisco liuhosi asinatura, iha rezidénsia Câmara, Sekretáriadu Eklesiástika Lecidere, Díli.

Iha presta omenajen no votu pezár ba falesimentu Súa Santidade Papa Francisco ne'e, hamutuk ho membru Governu sira hotu sai nu'udar sinal solidariedade no respeitu ba lider espirituál mundu Katóliku nian ne’ebe fila ona ba Maromak nia kadunan santu, iha loron 21 fulan-abril tinan 2025, iha Sidade Vatikanu, Roma, Itália.

PARTE LORO-KRAIK

MINISTRU JUSTISA HO DIRASAUN TUTELA, PRESTA HOMENAZEN BA SANTO PAPA FRANCISCO NIA MATE
Sua-Eselénsia Minsitru Justisa, Dr. Sérgio de Jesus Fernandes da Costa Hornai kontinua hamutuk ho dirijente no funsionáriu sira hosi diresaun tutela iha Ministériu Justisa hanesan; Diresaun Jeral Politika Justisa, Diresaun Jerál Administrasaun no Finansa, Gabinete Inspesaun Auditória, Diresaun Jerál Servisu Rejistu no Notariadu, Diresaun Jerál Terras no Propriedades, Sentru Formasaun Jurídika no Judisiária, Defensória Públika no Polísia Siéntifika Investigasaun Kriminál presta tan homenajen iha kâmara Sekretariadu Eksensiástika Lecidere, Díli.

Sua-Eselénsia Ministru Justisa Sérgio Hornai hamutuk ho dirijente no funsionáriu sira lori ai-funan sai nu’udár sinal domin no presta homenajen ba Sua-santidade Papa Francisco nia mate liuhosi orasaun no sunu lilin sai nu'udar sinal solidariedade no respeitu ba lider espirituál mundu Katóliku ne’ebe fila ona ba mundu seluk.