DILI,MJ-Quarta-feira 26 Marsu 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai informa kona-bá serimónia ohin, Ministériu Justisa liuhosi Polísia Sientifika Investigasaun Kriminál (PCIC sigla Portugés) hamutuk ho Polísia Repúblik Indonézia (POLRI sigla lian Indonezia) asina Memorandu bá Entendimentu (MoU sigla lian Inlés), hodi hametin kooperasaun Internasionál kona-ba Prevensaun Krime Tranznasionál, iha sala kafetária Ministériu Justisa, Nú. 47. Rua Justiça, Colmera, Díli.

Objetivu hosi asina ne’e, atu hametin lasus kooperasaun Internasional entre Polísia Repúblik Indonezia ho Polísia Sientifika Investigasaun Kriminál kona-ba Prevensaun Krime Tranznasionál.
Ministru Justisa esplika, estabelese akordu sai hanesan servisu hamutuk ba troka informasaun iha nivel institusionál, Orgaun Polísia Kriminál Indonezia ka Investigasaun Kriminál Indonezia ho Orgaun Polisia Sientifika Investigasaun Kriminál Timor-Leste.
Oinsa maka atu bele troka informasaun entre Orgaun Polísia Sientifika Investigasaun Criminal Timor Leste ho Polisia Repúblik Indonezia. Tanba ne’e, ohin reprezentante Polísia Repúblik Indonezia mai hamutuk ho Polisia Sientifika Investigasaun Kriminal (PSIK) asina akordu atu bele hahu servisu hamutuk ba futuru.
Relasionadu ho modus ou planding krime sira ne’ebé karik, Polísia Kriminál indonezia deteta, suspeita, bele akontese iha Timor hosi indonezia mai subar no halo atividade krime organizadu sira iha Timor-Leste, nune’e iha ona probabilidade bele hamutuk halo servisu.

“Ita hakarak fó asistensia ba malu hanesan Indonezia iha esperiensia nu’udar estadu ne’ebé independente kuaze tinan 70 resin. Ejistensia nu’udar estadu ida, Polisia Repúblik Indonezia iha esperiensia kompleksidade ba problema ne’ebé maka iha Timor Leste aproveita troka boas Pratika ne’ebé iha relasionamentu ba interese komum kona-ba medida sira ne’ebé maka bele prevene ba iha kombate krimenalidade sira, iha krime organizadu sira”.
Entretantu ekipa hosi Polisia Repúblika Indonezia maka hanesan; Polri, Irjen. Pol. Dr. Krishna Murti, S.I.K., M. Si.; Irjen Pol. Drs. Daniel Tahi Monang Silitonga, S.H., M.A., Polri, Brigjen Pol. Dodied Prasetyo Aji, S.I.K. M.H., Kombes Ferly Rosa Putra, S.I.K., Embaixador Indonezia, Okto Dotinus Manik, Atabe Polri, Sr. Kurniawan Hartono.
Iha serimónia ne’e partisipa hosi Xefe Gabinete Ministru Justisa, Dra. Albertina da Kruz Santa, representante Diretora Jeral da ASEAN, Diretor Jeral Política Justisa Ministériu Justisa, Xefe departamentu PSIK sira.