DILI,MJ-Quarta-feira 05 Marsu 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai ofisiálmente simu Núncio Apostólico iha Timor-Leste, reverendissima, Monseñor Marco Sprizzi hodi prezide Misa Sinjas hamutuk ho dadur sira, iha Prizaun Bekora, Díli.
Ministru Justisa lori governu no Ministeriu Justisa, biar Prezidente Repúblika hato’o tiha ona despedida ofisialmente ba iha reprezentante Vatikanu, Núcio Apostólico iha Timor-Leste, Monseñor Marco Sprizzi.

i“Ha’u ata lori Ministériu Justisa ninia naran hakarak agradese tan ba kolaborasaun ida ne’ebé estraoridinari. Bainhira vizitasaun Papa Francisco mai iha Timor Leste, ne’ebé konsege lori prizioneiru na’in rua ba partisipa iha misa iha Tasi-tolu marka istoria ida ba Ministériu Justisa”
Ministru Justisa hakarak reprezenta Governu nia naran, agradese teb-tebes ba misaun misível ba igreja katolika iha Timor Leste ne’ebé konsege lori dadur na’in rua partisipa extra-oridináriamente.
“Ami husu nafatin bá reprezentante Vatikanu, Núcio Apostólico iha Timor-Leste, Monseñor Marco Sprizzi, iha vatikanu atu reja nafatin ba iha Timor-Leste. No reja ba iha povu Timor Leste atu bele hametin liu tan fiar hanesan lego, nu’udár ema ne’ebe fiar bele orienta politika hotu-hotu ba iha fiar igreja katolika ne’ebé tradisionalmente dura-dura iha tempu ida ne’ebé naruk,”Ministru Justisa hateten.

Ministru Justisa demostra nia sentimentu ida kle’an tebes hakarak agradese ba iha reprezentante Vatikanu, Núcio Apostólico iha Timor-Leste, Monseñor Marco Sprizzi ne’ebé hamutuk ho sarani Timor-Leste durante tinan barak maibé ba loron ohin espesial tebes hamutuk ho dadur sira iha prizaun Bekora.
“Ami hakarak agradese ba reprezentante Vatikanu, Núcio Apostólico iha iha Timor-Leste, Monseñor Marco Sprizzi. Tanba bele realiza misa hamutuk ho ema sira ne’ebé mak hela iha prizaun ne’e.” Ministru Justisa agradese.
Ohin reprezentante Vatikanu, Núcio Apostólico iha Timor-Leste, Monseñor Marco Sprizzi hamutuk ho ita boot sira, hodi selebra misa Sinjas hodi halo despedida katak, Núcia Apostóliku iha iha Timor-Leste, Monseñor Marco Sprizzi durante tinan neen resin hamutuk ho povu iha Timor Leste.

Ministru Justisa konta, mensajen Papa Francisco liuhosi reprezentante Vatikanu, Núcio Apostólico iha iha Timor-Leste, Monseñor Marco Sprizzi “presiza lori mós rekluzu sira mós ba iha Papa Francisco atu fó paz dame no moris ida ne’ebé haksolok nakonu ho espíritu maromak ho sira igraja katólika ninia ulun hamutuk ho sira iha altar santu Tasi tolu.