DILI,MJ-Quarta-feira 05 Fevereiru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai hamutuk ho dirijente sira hosi Ministériu justisa hala’o audénsia ho Komisaun A ne’ebé trata kona-bá asuntu Konstitusionál no Justisa, iha Parlamentu Nasionál, Díli.
Objetivu hosi audénsia ne’e, atu diskute kona-ba Proposta Lei Nu. 15/VI(2a)-primeira altersaun ba proposta lei nú. 1/2017 kona-ba projetu lei primeira alterasaun ba rezime tranzitóriu ba rekrutamentu Majistradu no Defensór Públiku sira ne’ebé lá’ós timoroan no segunda alterasaun ba lei ne’ebé aprova orgánika ba Kámara-de-kontas Tribunál Superiór Administrativu, Fiskál no Kontas.
“Ami konsiente katak, ida ne'e maka espozisaun motivu IX Governu ninian liu-liu ba iha Ministériu Justisa, atu lori proposta ida ne’e mai iha Parlamentu Nasional, atu hare re-apresiasaun ba lei anterior ne'ebé mak ita seidauk halo komplementaridade, por razaun de sirkunstasia balun.” Ministru Justisa hateten iha ambitu aundénsia públika ho Komisaun A.

Ministru Justisa lori governu IX Gonvernu Konstitusionál, iha Lei ida ne'e, sai nu’udár motivu fundamental ba iha sestór Justisa kona-ba priensamentu ba Lei estruturante sira, atu hare oinsa mak atu halo reforsa sira ba orgaun implementador sira hanesan, Tribunál, Ministériu Publiku, no Defensoria Publiku no instituisaun intervenente iha triangulu setor justisa nian.
Ministru Justisa informa, espozisaun motivu ne'ebé hato'o no manifesta intrese lejítimu governu atu hare ba setor justisa ne'ebé ho ninia frajílidade. No governu ida ne’e, hamutuk ho Koordenador Grupu Reforma Justisa, assesora prinsipal iha gabinete Primeiru Ministru Ka Rala Xanana Gusmão.

Iha audénsia ne’e, Sua-Eselénsia Ministru Justisa, Dr. Sérgio de Jesus Fernandes da Costa Hornai, Grupu Reforma Justisa, Dra. Lucia Lobato, maka hanesan; Diretór Nasionál Asesoria Jurídiku no Lejizlasaun (DNAJL), Dr. Nelinho Vitál, Defensoria Públika Jerál, Dr. Câncio Xavier, Diretór Jerál Polítika Justisa, Aureliano Soares Magalhães, Diretóra Sentru Formasaun Juridiku no Judisiariu (CFJJ sigla Portugés), Dra. Marcelina Tilman.