DILI,MJ- Tersa-feira 04 Fevereiru 2025 IX Governu Konstitusionál liuhosi Sua-Eselénsia Ministru Justisa, Dr. Sérgio de Jesus Fernandes da Costa Hornai entrega kareta estabelesimentu tolu, bá Prizionál Bekora, Ermera no Suai, iha Ministériu Justisa, Nú. 47, Rua Justiça, Díli.
Iha serimónia entrega kareta tolu ne’e, Padre kapelaun Prizaun Bekora, Pe. Francisco Barreto hasa’e orasaun tuir sarani katólika no mós fó bensaun ba kareta estabelesimentu Prizionál Bekora, Ermera no Suai ne’e.

Nune’e, Eselénsia Ministru Justisa, Dr. Sérgio de Jesus Fernandes da Costa Hornai konvida Prezidente Komisaun Funsaun Públika (KFP), Agostinho Letêncio de Deus entrega kareta celuler ida ba estabelesimentu Prizionál Suai. Vise-Ministru Fortalesimentu Institusionál entrega kareta celular ida estabelesimentu Prizionál Ermera no mós Sua-Eselénsia Ministru Justisa entrega kareta celular ida ba estabelesimentu Prizionál Bekora.