DILI,MJ- Tersa-feira 04 Fevereiru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, husu ba emposadu sira na’in-74 hodi hatudu nafatin disiplina no pontualidade iha tempu servisu, salaun Ministériu Justisa, Nú. 47, Rua Justiça, Díli.

Emposadu sira na’in-74 ne’e, kompostu husi feto na’in-16 no Mane na’in-68 ho kategoria ba asistente administrasaun ho Grau F.
“Husu mós ba emposadu sira atu disiplina, pontualidade no halo koordenasaun servisu iha Institusional entre servisu maluk no superior sira,” Sua-Eselénsia Ministru Justisa hateten liuhosi diskursu iha serimónia ne’e.
Sua-Eselénsia Ministru Justisa Dr. Sergio de Jesus Fernandes da Costa Hornai enkonraja bá emposadu sira, no funsionáriu sai sentru ida no inovador ba transformasaun rekursu umanu sira.

Guarda Prizioneiru sira ne’ebé simu ona termu aseitasaun sei koloka ba iha prizaun Suai na’in-11, Gleno na’in-23 no Becora na’in-38.
Iha serimónia ne’e mós partisipa hosi Prezidente Komisaun Funsaun Públika (KFP), Agostinho Letêncio de Deus, Komisáriu Portefoliu Disiplinar Agapito da Conceição, Vise-Ministru Fortalesimentu Institusionál, Dr. Paulo Manuel da Silva dos Remédios, Padre kapelaun Prizaun Bekora, Pe. Francisco Barreto, hamutuk ho dirijente no funsionariu sira hosi Ministériu Justisa no mós familia emposadu sira.