DILI,MJ- Tersa-feira 28 Janeiru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o enkontru ofisiál ho Governante Austrálianu, Ministru ba Asuntu Interinu, Ministru bá Imigrasaun no Asuntu Multikulturál, Ministru bá Siguransa Sibernétika, Ministru bá Arte, Hon Tony Burke MP, iha Ministériu Justisa, Nú. 47, Rua Justiça, Colmera, Díli.
Ministru Justisa informa, presiza halo kooperasaun área krime sira, transnasionál no mós krime ho kompleksidade sira ne’ebé sai hanesan preokupasaun internasionálmente iha nasaun ida-idak ninian. Iha trafiku humanu, brankeamentu kapitál, trafiku pesoas no mós ba iha krime koneksaun sira seluk ne’ebé iha ligasaun ba ema no sasan sira ne’ebé tama iha area juridisaun Timor-Leste bele sai de’it fatin ida tranzitu.

Ministru Justisa argumenta, importánsia kooperasaun ida ne’e, bele hametin lasu kooperasaun ida ne’ebé konsolidadu iha polítika formasaun no mós troka esperiensia no mós bele kontribui ba iha fornesimentu ekipamentu ne’ebé bele adekua ho problema sira iha Timor-Leste liuhosi programa governu ninian.
Oinsa fó importansia ba iha ezisténsia Orgaun Polísia Kriminál liu-liu ba iha Autoridade Judisiáriu sira hanesan Prokurador Jerál nia servisu oinsa maka buka konsolida atu hametin justisa formal no mós atu halo kampaña ezaminasaun. Nune’e mós kona-bá trafiku pesoás, trafiku umanu buat sira ne’e hotu entaun Ministériu Justisa iha Komisaun Direitus Humanus no Sidadania hodi hare kona-bá asuntu sira ne’e.
Entretantu delegasaun Australia ho Ministru ba Asuntu Interinu, Ministru bá Imigrasaun no Asuntu Multikulturál, Ministru bá Siguransa Sibernétika, Ministru bá Arte Austrália, Hon Tony Burke MP ho estrutura Ministeriu Justisa hanesan Diretór Nasionál PCIC, Dr. Vicente Fernandes e Brito, Defensor Públiku Jerál, Dr. Cancio Xavier, Diretór Jerál Polítika Justitsa, Dr. Honorio Aureliano Soaers Magalhães,

Nune’e mós Diretór Jerál Administrasaun, Octavia Celeste de Sousa Soares, Diretór Jerál Terras no Propriedades, Lucas António da Costa, Diretór Jerál Servisu Rejistu no Notariadu, Agustinho Gonçalves Viera, Diretór Nasionál Asessoria Jurídiku no Lejizlasaun (DNAJL), Dr. Nelinho Vitál, Asessor tekniku Gabinete Ministru Justisa, Dr. Ponciano Leite, Asessora tekniku Gabinete Ministru Justisa, Madalena Carlos Perreira.