DILI, MJ- Segunda-feira 13 Janeiru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o reuniaun ho Embaixadora Timor-Leste (TL) bá Brazil, Dra. Maria Ângela Carrascalão, iha sala sorumutu Gabinete Ministru Justisa, Nú. 47 Rua Justiça, Colmera, Díli.
Embaixadora Timor-Leste (TL) bá Brazil, Dra. Maria Ângela Carrascalão, hakarak hatene no simu orientasaun kona-bá polítika setor justisa nian, atu bele tuir aprosimasaun politika diplomásia entre Timor-Leste (TL) ho Brazíl.
Objetivu husi reuniaun ne’e, atu halo diskusaun kona-ba preparasaun atu assina Acordo 8o. Etapa entre Timor-Leste (TL) ho ABC Agencia de Brasil Cooperação sigla Portugés ne’ebé tuir planu atu realiza iha fualn Fevereiro 2025.
Iha akordu ne’e, maka Estadu Brazil, liu husi Defensoria Pública União (DPU sigla portugés) atu apoio Defensoria Pública no Centro de Formação Jurídica e Judiciária (CFJJ sigla portugés) de Timor-Leste, modelu parseria katak, finansiamentu ba projetu apoiu ba setor justisa ne’e sei orsamenta husi parte 2, hanesan estadu Brasil no Estadu Timor-Leste.

Iha reuniaun ne’e, partisipa mós hosi Diretór Jerál Polítika Justisa, Dr. Honorio Aureliano Soares Magalhães, Defensoria Públiku-Jerál (DPG sigla Portugés), Dr. Câncio Xavier, Diretór Nasionál Asesoria Jurídiku no Lejizlasaun (DNAJL), Dr. Nelinho Vital no Diretora Sentru Formasaun Jurídiku no Judisiál (CFJJ sigla Portugés), Dra. Marcelina Tilman.
Hafoin reuniaun ho Embaixadora Timor-Leste (TL) bá Brazil, Enkarregada Asuntu Embaixada Brazil nian iha Dili, Rita de Cássia Lott Marques, entrega karta kredénsiál ba Sua-Eselénsia Ministru Justisa, Dr. Sérgio de Jesus Fernandes da Costa Hornai.