MANATUTU, MJ- Sabadu 11 Janeiru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, akompaña Sua-Eselénsia Primeiru Ministru (PM), Kay Rala Xanana Gusmão, hala’o vizita ba fatin ne’ebé planea ba futuru atu halo instalasaun ba planta LNG iha Natarbora, munisípiu Manatuto.
Sua Eselénsia Primeiru Ministru Kay Rala Xanana Gusmão apela ba komunidade atu kontribui ba polítika governu nia, hodi oferese rai ba konstruisaun planta LNG, Petrokímika no refinaria, hodi fó servisu mos ba timor-oan sira no mos iha efeitu multiplikadór ba setór agrikultura no seluk tan.

Tuir planu iha fulan Marsu tinan ne’e, ekipa interministerial ida ne’ebe konstitui husi ministériu Petróleu no Minierais, Justisa, Administasaun Estatal no Agrikultura no Pesksas sei realiza konsulta públika no halo levantamentu dadus kona-ba àrea afetadu ba projetu, hodi premite governu atu foti desizaun kona-ba indeminizasaun.
Além de ne’e, vizita mos pontu ikus husi auto estrada ne’ebé sei liga Suai Supply Base – SSB no indústria petrolifera iha Natarbora no àrea konstrusaun ba habitasaun ne’ebé sei destina ba komunidade afetadu ba projetu estratéjiku ne’e no tékniku sira aprezenta ba Sua Eselénsia Xefe Governu no governante seluk kona-ba mapeamentu ba projetu estratéjiku ne’e.

iha vizita ne'e, lia na’in sira, Ministru Agrikultura, Pekuária, Peska no Florestas, Marcos da Cruz, Sekretáriu Estadu Dezenvolvimentu Lokál, Mateus dos Santos Tallo, Embaixadór China ho nia ekipa, veteranu sira no Prezidente Autoridade Munisipál Viqueque, Prezidente Autoridade Munisipál Manatuto, Diretór Jerál Terras no Propriedade husi Ministériu Justisa ho ekipa, dirijente no funsionáriu sira hosi TIMOR GAP, komunidade sira no entidade sira seluk.