ROMA, MJ- Kinta-feira 28 Novembru 2024 Ministru Justisa Repúblika Demokrátika Timor-Leste, Dr. Sérgio de Jesus Fernandes da Costa Hornai, partisipa iha reuniaun Internacional Ministru Justisa mudiál ba dala 14, iha Cidade Roma, Itália, hahu husi loron Kinta-feira 28 to’o Sesta-feira 29 Novembru 2024, ho temátiku “No Justice Without Life”.
Iha sesaun abertura, Sua-Eselénisa Ministru Justisa Repúblika Demokrátika Timor-Leste, Dr. Sérgio de Jesus Fernandes da Costa Hornai hola parte hanesan primeira painelista hodi hato'o intervensaun kona-bá Timor-Leste nia situasaun bá halakon pena de morte no pena perpétua.
Iha reuniaun ne’e, Sua-Eselénisa Ministru Justisa Repúblika Demokrátika Timor-Leste halo intervensaun ba dala uluk, sai nu’udár história iha ambitu partisipasaun husi Timor-Leste.

Timor-Leste nia Konstituição la admite pena de morte no pena de perpétua, tanba iha konviksaun ida hodi hatuur as dignidade humana no respeita ba “direitos humanos. Timor-Leste” no mós ratifika Konvensaun ONU nian kona-bá faktu internasional ba direito civil no politica (ICCPR), ne’ebé tane aas tebes dignidade humano no proibição ba pena de morte. Pena de morte, laos dalan di’ak atu rezolve problema. Pena de morte sei la halakon hahalok aat ema nian ka pena de morte la’os dalan di’ak ba hakotu problema.
Di’ak liu, buka dalan atu rezolve problema ho dalan justisa restorativu, hadi’ak ema maksalak nia moris atu bele fila hikas ba moris iha sosiedade ida. Ho nune'e husu nafatin kooperasaun di’ak entre nasaun sira atu bele halakon pena de morte, hodi kria sosiedade ida, moris hamutuk iha mundu ida paz no tranquilu. Tanba Timor-Leste mós hanesan nasaun primeiru ne’ebé asina documentu Fraternidade Humana ne’ebé promove husi Amo Papa Francisco no Lider bo’ot Muslano nian.

Entretantu sesaun abertura ne’e partisipa mós husi Sua-Eselénsia Vice Primeiro Ministro e Ministro dos Negócios Estrangeiros e da Cooperação Internacional República Italiana, Senhor, António Tajani, Ministro Relação Externa Confederação Suíça, Ambassadora Monaco, Presidente da Comunidade de Sant'Egidio senhor, Marco Impagliazzo nomos Ministros Justiça.
Nune’e mós Ambassador sira inklui ekipa téknika sira hosi Timor-Leste hanesan: Ambassadora Timor-Leste junto Santa Se, Dra. Chloé Tilman, Chefe do Gabinete do Ministro, Dra. Albertina Santa, no Diretor da Diretór Nasionál Assesoria Juridiku no Lejizlasaun (DNAJL), Dr. Nelinho Vital.