Dili, Timor Plaza - Sesta-feira 22 Novembru 2024 Ministeriu Justisa (MJ) liu husi Diresaun Nasional Asesoria Juridika no Lejislasaun (DNAJL) hala’o konsulta ikus nian kona-ba Lei Liberdade Relijioza iha Timor Plaza, Dili iha loron 22 Novembru 2024.
Konsulta ida ne’e DNAJL hamutuk ho Nasoens Unidos husi parte unidade Direitus Umanus nian hodi konsulta implisitamente sobre lei liberdade relijioza hamutuk ho responsavel relijioza diferentes balun, sosiedade sivil no defisiente hodi halibur ideia no kualifika esbosu ne’ebe iha.

Diretur DNAJL, Dr. Nelinho Vital hateten, “objtivu prinispal konsulta ida ne’e ho intensaun kolekta ideia konstrutivu hodi implika ba kualifika esbosu lei liberdade relijioza, tan ne’e ami agradese tebes ba ita boot sira nia prezensa.”
Alende ne’e reprezentante Nasoens Unidos, parte Direitus Umanus, Maria Amelia de Araujo Ximenes iha ninia intervensaun katak, “ita hare ita rain iha diversidade ba fiar ka relijiaun no ita hatene iha polemika balun, ho esbosu ne’ebe iha prefere nafatin kanaliza tuir prinsipiu direitus umanus.”

Konsulta ida ne’e hala’o ho abertura, aprenzentasaun no diskusaun direita ba hare artigu por atigu husi ebosu refere, iha sorumutu ne’e partisipante maioria prekupa artigu 1475 husi Kodigu Sivil no hamosu pro kontra no diskusaun interativu tebes, partisipante balun dehan la presija altera Kodigu Sivil ou hamosu lei espesial hodi solusiona polemika tanba laiha diskriminasaun, lei los hela no iha parte seluk sira kontra katak iha diskriminasaun.
Konsulta refere partisipa husi fiar nain relijioza sira mak hanesan reprezentante Katoliku, Muslimanu, reprezentante Prostestante, Reprezentante Igreja Asembleia de Deus, expertu husi CET, sosiedade sivil – AJAR, JSMP, defisiente, no estaziu UNTL.