Dili, MJ- Kinta-feira 14 Novembru 2024 Reprezentante Povu iha uma fukun Parlamentu Nasional (PN) aprova ona Proposta Lei Orsamentu Jerál Estadu (OJE) tinan fiskál 2025 ba Ministériu Justisa iha faze espesialidade ho votu afavór 43, kontra 20 no abstensaun 1.
“Ho nune'e, Orsamentu ba Ministériu Justisa pasa,” Prezidente Parlamentu Nasionál, Deputada Maria Fernanda Lay, anunsia liuhusi plenária Parlamentu Nasionál.
Sua-Eselénsia Ministru Justisa, Dr. Sérgio de Jesus Fernandes da Costa Hornai, defende orsamentu iha Parlamentu Nasionál ho montante $12.876.049.
“Ho nune’e ha’u laiha razaun atu bele halo redusaun ba iha orsamentu refere” Ministru Justisa Ministru Justisa, Dr. Sérgio de Jesus Fernandes da Costa Hornai, defende iha sesaun Parlamentu Nasionál.

Ministru Justisa esplika, hakarak utiliza oportunidade ne’e, tanba kada tinan sempre halo evolusaun no halo dinamiza servisu sira iha insitutuisaun estadu sira inklui Ministériu Justisa sai sasukat bo’ot ba iha tinan 2025. Nune’e bele fó enfaze ba iha preokupasaun bo’ot ne’ebé komunidade Nasional no internasional.
Proposta OJE 2025 husi Ministériu Justisa ho totál $12.876.049 kompostu husi Sálariu no Vensimentu $8.082.102, Bens Servisu $4.328.716, Transferénsia Públika 0, Kapitál Menór $200.000 no kapitál dezenvolvimentu $265.231.
Ministériu Justisa iha programa haat (4) sei implementa iha tinan 2025 mak hanesan tuir mai ne’e;

Programa 029:Reforma Estadu ho montante orsamentu $191.497, komposta husi Saláriu no Vensimentu $178.712, Bens Servisu $12.785, Transferénsia Públika 0, Kapitál Menór 0 no Kapitál Dezenvolvimentu 0.
Programa 392: Asesu ba Justisa ho totál orsamentu $ 9.546.425, komposta husi Sálariu no Vensimentu $5.976.626, Bens Servisu $3.104. 568, Transferénsia Públika 0, Kapitál Menór $200.000 no Kapitál Dezenvolvimentu $265.231.
Programa 510: Funsionamentu no Dezenvolvimentu Institusional ho totál $3.128.161 komposta husi Sálariu no Vensimentu $1.926.764, Bens Servisu $1.201.397, Transferénsia Públikas 0, Kapitál Menór no Kapitál Dezenvolvimentu 0.
Programa 980: Inkluzaun Sosial ho totál orsamentu $9.966, kompostu husi Sálariu no Vensimentu 0, Bens no Servisu $9.966, Transferénsia Públika, Kapitál Menór 0, Kapital Dezenvolvimentu 0.