Dili, MJ- Quarta-feira 13 Novembru 2024 Sua-Eselénsia Ministru Justisa, Dr. Sérgio de Jesus Fernandes da Costa Hornai, partisipa reuniaun Konsellu Administrasaun ba Fundu Dezenvolvimento Kapitál Umanu (FDCH, sigla portugés), ne’ebé realiza iha salaun enkontru MPIE, Fatuhada, Díli.
Objetivu hosi reuniaun Konsellu Administrasaun ne’e, atu halo diskusaun no aprovasaun ba pedidu apoiu estudu husi timoroan sira ne'ebé hala'o sira-nia estudu iha rai laran no li'ur. Nune’e mós halo diskusaun kona-bá dezenvolvimentu rekursu umanu Timor-Leste nian, liuliu ba iha programa bolsa estudu.
Iha reuniaun Konsellu Adminsitrasaun FDCH ne’e, prezide husi Prezidente Konsellu Administrasaun (FDCH) atuál Ministru Planeamentu no Investimentu Estratéjiku, Eng. Gastão Francisco de Sousa, Ministru Ensinu Superiór, Siénsia no Kultura, José Honório da Costa Pereira Jerónimo, nu’udar Membru Permanente ba CA-FDCH, Ministru Petróleu no Rekursu Minerál, Sr. Francisco da Costa Monteiro nu’udar mós Membru CA-FDCH no mós Diretór Ezekutivu FDCH, Júlio Aparício, Diretór Adjuntu Rogério I. M. Siqueira Lay, kargu koordenadór sira, xefe unidade no asesór sira husi Sekretariadu FDCH.