Dili, MJ- Kinta-feira 07 Novembru 2024 Sua-Eselénsia Ministru Justisa, Dr. Sérgio de Jesus Fernandes da Costa Hornai kontinua partisipa diskusaun ba loron daruak kona-bá Proposta Orsamentu Jerál Estadu (OJE), tinan fiskál 2025 ho montante billaun $2,6, iha Parlamentu Nasionál.
IX Governu Konstitusionál ne’ebé lidera hosi Primeiru-Ministru (PM), Kay Rala Xanana Gusmão resposta bá intervensaun hosi deputadu sira liu-liu deputadu hosi bankada opozisaun Parlamentár no hetan partisipasaun másimu hosi membru governu sira.

Diskusaun ba OJE iha jeneralidade durante loron tolu, hahú hosi loron 6-8 fulan-Novembru ne’e, no iha segunda-feira semana oin, kontinua kedas ba diskusaun no votasaun iha faze espesialidade hosi loron 11 to’o 25 fulan-Novembru ne’e, hafoin votasaun final globál hodi enkamiña ba Xefe Estadu atu foti desizaun promulga ka veta.