Dili, MJ- Tersa-feira 05 Novembru 2024 Sua-Eselénsia Ministru Justisa, Dr. Sérgio de Jesus Fernandes da Costa Hornai hala’o enkontru ho Ofisiál Auditória Investigasaun (OAI), Sashidhar Boriah hosi Programa Nasoens Unidas ba Dezenvolvimentu (PNUD), iha salaun Gabinete Justisa, Nú. 47, Rua Justiça, Colmera, Díli.
Reuniaun ne’e ho objetivu atu halo inkéritu, aprezentasaun sira hodi responde ba tipu auditoria hodi buka avaliasaun ida kona-ba funsionamentu kompromisu no partisipasaun Programa Nasaun Unidas ba Dezenvolvimentu (PNUD) iha dezenvolvimentu, liuliu iha área Ministériu Justisa nian.

Ida-ne'e tenke sai koñesimentu públiku, iha Governu Timor-Leste no pozisaun Programa Nasaun Unidas ba Dezenvolvimentu (PNUD), nu’udar Ajente Internasionál Nasoens Unidas nian, hanesan mós parseiru dezenvolvimentu, ne’ebé servisu iha kooperasaun ho parseiru sira seluk organizasaun internasionál sira hodi fó apoiu ba Governu Timor Leste.