Dili, MJ- Tersa-feira 05 Novembru 2024 Sua-Eselénsia Ministru Justisa, Dr. Sérgio de Jesus Fernandes da Costa Hornai realiza enkontru ho primeiru Sekretariau Embaixada Brazil, Marcelo Ferraz, iha sala Gabinete Ministru Justisa, Ministériu Justisa, Nú. 47, Rua Justiça, Colmera, Díli.
Objetivu hosi enkontru ne’e, atu hametin kooperasaun ho nasaun Brazil hodi fortalese setór Justisa liu-liu bá instituisaun Defensor Públiku, apoia kona-bá área sívil, área Kriminal no mós formasaun komplementaridade. Nune’e mós apoia kona-bá asistensia klínika asesu ba Justisa bá Direitu Humanos no Sidadania.

Iha reuniaun ne’e, akompaña Sua-Eselénsia Ministru Justisa, Dr. Sérgio de Jesus Fernandes da Costa Hornai akompaña hosi Defensor Público Geral Adjunta, Dra. Olga Barreto Nunes, sekretariada Defensor Público Geral Adjunta, Paula Belita no Diretór Jerál Polítika Justisa, Honorio Aureliano Soares Magalhães no Téknika Asesor sira hosi Gabinete Ministru Justisa.